याकूब 1:12 - जिरेल

¹² थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 1:12 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

रोमी 5:4

थोक खिता थुप्‍च्‍या गाल्‍नामेई परमेश्‍वरगी ङुरूङला पाको गालाते मि ईन सिन सिओ। दोक खाईन पाको गाल्‍नामेई परमेश्‍वरगी खिओ साबाते बात साबा च्‍योकराङ खिओ सिन ङुरूङ झन आश खिन देता थुप्‍क्‍यो।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

१ कोरिन्‍थी 2:9

दि बात थेबा सुङगीङ छ्या मास्‍येसीनोङ परमेश्‍वर बातला चुक सिन टिला दुका सासीन “सुङगीङ माथोङाते, माथोबाते थेमे मिकी दोक ओङगीता सिन नोमुङ विचारराङ माक्‍याबाते कामतेबा परमेश्‍वरगी थे खोरोङला ङिङज्‍ये खित्‍कान्‍ते मिओनला खाला तेरग्‍यो सिन ठीक खाबा ओत,” सिन साला दुक।

१ कोरिन्‍थी 8:3

परमेश्‍वरला ङिङज्‍ये खित्‍कान्‍ते मि सु सु ईन्‍दे सिन परमेश्‍वरगी लेमु खाईन छ्या स्‍येबा ओङगो।

१ कोरिन्‍थी 9:25

खेलकूदला भाग लिन्‍कान्‍ते मि जसकीङ ग्‍याल्‍ला पुरूस्‍कार ङेता थुप्‍स्‍यीत सिन खोपरोङ जीउला ङार्माताङ थाङ मेछ्येत्‍च्‍या ज्‍वाप्‍ला ङीमे ठाङमा दुक्‍पा खाला तालिम खित्‍च्‍येते खिओ। थेबेकी ङेत्‍च्‍येते पुरूस्‍कारचेन ङीमाई छ्याःङ काम लै मिक्‍किच्‍या डुइओ। तर ङुरूङगी ङेत्‍च्‍येते इनामचेन नोमुङ होथोक खाला काम लै मिक्‍किच्‍या मोन्‍डोओ।

२ तिमोथी 2:15

परमेश्‍वरगी खोरोङला लेमु खाला काम खित्‍कान्‍ते मि ईन सिरस्‍यीत सिन खुईचेन लेमु काम खित्‍च्‍ये छ्य्‌वापाकामा स्‍येत खि। थोक ओङला थे दोन्‍दु खोरोङगी छ्याःङ ङोचा खिता माफाप्‍स्‍यीत सिन सत्‍यते बात लोप्‍जीन खुई च्‍यि बात चुक खाला लोपा फाप्‍च्‍येते ईन्‍दे होथोकराङ खाला लोप।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 10:32

थेमे गा लाङच्‍येते बात ङेन्‍दाला स्‍यूनामेई खेराङगी चुक चुक्‍तेन्‍दे दुक्‍पा भोगे खिता फापा ओताने होथे गोमे बाततेबा ठेम्‍बा खि। थे बात ङेन्‍नामेई ङेतासम्‍म दुक्‍पा ङेत्‍जीनोङ ख्‍योकोनगी थे बात ङेन्‍दा बान्‍दा ताङा मेतान।

हिब्रू 11:17

परमेश्‍वरगी जे खासीनोङ लेमुराङ खिओ सिन थेला विश्‍वास खाबा ओतेकीराङ थेकी थे सेम ताप्‍ला इसहाकला भोग बिन सिरजीन अब्राहामगी थोक खिताला ठीक खासुङ। थेकी अब्राहामला थे सखा सन्‍तान काल्‍बेई फेल ज्‍युत्‍क्‍यो सिन जमान खाबा ओतान। थे खोरोङ सन्‍तान मिनला दोक्‍पोईराङ ओताते फुज्‍युङला अब्राहामगी भोग तेराला ठीक खाबा ओतान।

हिब्रू 12:5

च्‍यि ख्‍योकोनगी परमेश्‍वरगी खेराङला फुज्‍युङ सिन अर्ती खिन दोक सिन साबाते बाततेबा टोक ज्‍येत्‍सुङ? थेकी “फुज्‍यो, खुई लेमु खित्‍स्‍यीत सिन प्रभु परमेश्‍वरगी थाप्‍जीन ङारजीन नामज्‍योक मेसेता खाला मादेत, थेकी खोल्‍ला ताला लुजीन सेम मासेत।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

याकूब 5:11

जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

१ पत्रुस 5:4

दोक खासीन था येशू ख्रीष्‍ट ग्‍युरला ओङजीन थेकी ख्‍योकोनला इनाम सिन छ्येज्‍यीक मान तेरग्‍यो। थेकी थोक खानामेई ख्‍योकोन सधैँ मान ङेत्‍ला देता ङेत्‍क्‍यो। येशू ख्रीष्‍टचेन ज्‍येन गोठाला गाङेला कोत्‍कान्‍ते छ्येते गोठाला च्‍योक्‍ते ईन।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।