याकूब 1:10 - जिरेल

¹⁰ थोकराङ खाला जेसुकै दाङा ख्‍योपा ओतातेबा ख्‍योकोनगीङ परमेश्‍वर दोन्‍दु खेराङ छ्याःङ मेन्‍दाक्‍वा सिन छ्या स्‍येबा खि। पाङगी नाङला फोङच्‍येते मेन्‍दोक येल्‍ला ड्वा च्‍योकराङ खाला छ्युक्‍पुते मिओनोङ ङीमाई दाक स्‍यिला डुइओ।

याकूब 1:10 Iomraidhean Croise

मत्ती 5:3

थेकी थेबाला “ङा ङाराङ ईन सिराच्‍योक मिक्‍किता खाला परमेश्‍वरला मद्धत नाङ सिरकान्‍ते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

मत्ती 6:30

थरिङ दोक लेमु खाईन फोङा ओत्‍सीनोङ ङारो दि मेन्‍दोक सोताङराङ ङाला काम्‍ला दाक स्‍येइओ। थोक खित्‍च्‍ये जालानी परमेश्‍वरगी होदोक लेमु थोङच्‍या जोला दुक सासीन च्‍यि ख्‍योकोनला खोन्‍च्‍येते मेतेरोतरो? दाक्‍पोनला गोच्‍येते गाङे परमेश्‍वरगीराङ तेरग्‍यो सिन ख्‍योकोनगी पत्ते खाबाते खोइ?

१ कोरिन्‍थी 7:31

ख्‍योकोन गाङेकी दि सा लुङबादु देत देतसाक गोच्‍येते सामानताङ दुरू खिता फाप्‍च्‍येते कामगी विचारकामा खिन मादेत। च्‍यिला सासीन दि सा लुङबादु ओताते जति था जेसुकै सिन्‍ला तोरला डुइओ।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

याकूब 4:14

ङारो च्‍यि ओङगीते सिन ख्‍योकोनला छ्याःङ छ्या मेत। छ्यु कोल्‍जीन थेन्‍दाते ला रकस्‍यिकला तोरला डुइओ। ख्‍योकोन आयुङ होथे ला छेतराङ ईन।

१ पत्रुस 1:24

परमेश्‍वर बातला “मि जुनी सिरातेनी पाङगी नाङले सो च्‍योकराङ ईन। थेमे मि जतिराङ छ्ये ईन्‍सीनोङ, थेबाताङ जे ओत्‍सीनोङ होदोक्‍ते गाङे होथे सोकी मेन्‍दोक च्‍योकराङ ईन। सो काम्‍ग्‍यो, सोकी मेन्‍दोकोङ ओइले खाला ङीम्‍ला डुइओ।

१ यूहन्‍ना 2:17

होथोक थोक खित्‍कान्‍ते मिओन स्‍यिला डुइओ थेमे दि सा लुङबाङ था पालोई नाश गाल्‍ला तोरला डुइओ। परमेश्‍वरगी साबा च्‍योकराङ खित्‍कान्‍ते मिचेन सधैँभरि थेत्ताङराङ देता ङेत्‍क्‍यो।