हिब्रू 9:9 - जिरेल

⁹ थे गोमे कोठाताङ थे नाङ खित्‍च्‍येते गाङे कामगी विचार खित्‍जीन ङुरूङगी थरिङोला दि बातज्‍यीक लेमु खाला खोबा थुप्‍कीदुक। च्‍यि सासीन परमेश्‍वरला जे चढे खासीनोङ, भोग बिन्‍सीनोङ सुङ मि था ईन्‍सीन ङे पाप पूरो खाईन पाप ओङसुङ सिराच्‍योक खाईन ढुक्‍क खाईन देता थुपा मेतान।

हिब्रू 9:9 Iomraidhean Croise

रोमी 5:14

थोक ईन्‍सीनोङ परमेश्‍वरगी गाङे भन्‍दा गोमा जोबाते मि आदम पालोमेकी मोशे पालोसाक मि सुङ कालगी खादुकी थारा माथुप्‍सुङ। च्‍यिला सासीन आदमगी च्‍योक परमेश्‍वर थे खोरोङ खेकीराङ दोक माकेत साबाते माङेन्‍गीन पाप खाबाच्‍योक मेन्‍सीनोङ थेबेकीङ पापचेन खाबा ओतान। थेमे परमेश्‍वरगी तोङगो साबाते मित्ताङ आदमला दाँजे खाला ताजीन थेबे नाङ कोई कोई बात डिक्‍च्‍या कोई बात मिडिक्‍च्‍या थोङगीदुक।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

हिब्रू 10:11

ङीमे ठाङमा खोपरोङला खि साबा ओता च्‍योकराङ खाला पूजारी गाङेकी लाला देत्‍ला पशुराङ पशु भोग तेरगीन देत्‍सीनोङ नोमुङ सुङ मि पाप माफ ओङा थुपा मेतान।

हिब्रू 11:19

इसहाक विषयला परमेश्‍वरगी साबाते बात थे खोरोङ सेमगी नाङ ओतेकी इसहाकला भोग बिन्‍सीनोङ परमेश्‍वरगी थेला दाक सोम्‍बो लोक्‍पा थुप्‍क्‍यो सिन अब्राहामगी विचार खाबा ओतान। थोगी भोग तेराला ठीक खाबे छोमु परमेश्‍वरगी थोक खित माच्‍युतेकी इसहाकला परमेश्‍वरगी सोम्‍बो लोक्‍पा च्‍योकराङ ओङसुङ।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 7:11

लेवी थरगी पूजारीओनगी ङेन्‍ला काम खिता फाप्‍च्‍येते नियम विचार खाईन परमेश्‍वरगी इस्राएलीओनला थे खोरोङ नियम बिन्‍दा ओतान। पूजारीओनगी थे नियमला साबाच्‍योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्‍च्‍या ईन्‍सीन पूजारी हारून च्‍योकराङ मेन्‍देकी मल्‍कीसेदेक च्‍योकराङ ओङला लोक्‍ला ज्‍येनज्‍यीक पूजारी ओङा फाप्‍च्‍येते छ्याःङ खाँचो मेतान।

हिब्रू 8:4

स्‍वर्गने मेन्‍गीन थेङ दुरू ओता ईन्‍सीन थेकी पूजारी काम खिता ङेत्‍च्‍या मेतान। मोशेकी टिबाते परमेश्‍वर नियमला साबा ओताच्‍योक खाला दुरू काम खित्‍कान्‍ते पूजारीओननी ओत्‍कीन ओत।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।