हिब्रू 9:16 - जिरेल

¹⁶ सुइँदा मिकी ङा स्‍यिनामेई ङे सम्‍पत्ति दि दि मिकी ङेत्‍स्‍यीत सिन स्‍यिउ टिकीन बिन्‍दा ओत्‍सीनोङ थे मि सोम्‍बो ओत ओतसाक थे स्‍यिउला टिबाते बात छ्याःङ काम लै मिक्‍किओ।

हिब्रू 9:16 Iomraidhean Croise

रोमी 5:12

बात चुक ईन्‍दे सासीन मिज्‍यीगी पाप खाबेकी खित्‍सादु दि सा लुङबादु पाप खित्‍च्‍येते सिराते शुरू ओङगीन थे तिरी मि गाङेकी पाप खिताला स्‍यूसुङ। थेमे पाप खाबेकी खित्‍सादु थे मि कालगी खाला फाप्‍ला स्‍या फाप्‍च्‍या ओङसुङ। थोक ओङगीन थे तिरी मिङ गाङेराङ स्‍या फाप्‍च्‍या ओङसुङ। च्‍यिला सासीन थेबाङ गाङेराङ पापीराङ गाला ओतान।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

१ कोरिन्‍थी 15:22

च्‍यिला सासीन मि गाङे आदम सन्‍तान ईन्‍देकी पालोई गाङेराङ स्‍यिइओ। ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी तिरी सोम्‍बो लोइओ।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 9:15

थोक खाईन स्‍यिइन ख्रीष्‍टचेन परमेश्‍वरगी तिरी खाबाते जमान पूरो खाला तेरकान्‍ते ओङा ओत। थे थोक खित्‍कान्‍ते ओङेकी खित्‍सादु परमेश्‍वरगी थे खोरोङ दोन्‍दु स्‍योक सिन काताङाते मिओनला नोमुङ मोतोरच्‍या खाला तेरग्‍यो सिन साबाते जति था थेबेकी गाङे ङेत्‍च्‍या ओङा ओत। परमेश्‍वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्‍टकी भोगे खाईन स्‍याप्‍की खित्‍सादु थेबेकी ङेत्‍च्‍येते जति ङेत्‍च्‍या ओङाते ईन।

हिब्रू 9:17

थे मि स्‍यिनामेईकामा सम्‍पत्ति ङेत्‍कान्‍ते मिओनते खोपरोङ मिनला ओताते सम्‍पत्तिला हक लै खिओ।

याकूब 2:10

सुइँदेकी परमेश्‍वर नियम नाङ ज्‍येन जति गाङे ङेन्‍गीन दोक्‍पोईकामा माङेन्‍सुङ सासीन थे नियम गाङे माङेन्‍दा छेतराङ ईन।