हिब्रू 9:1 - जिरेल

¹ परमेश्‍वरगी गोमा खाबाते जमानलाङ च्‍यि खिता फाप्‍कीते, चुक खाला थेला माने खिता फाप्‍कीते सिरच्‍येते नियमओन ओतान। थेमे थेरू खि साबाच्‍योक खाला परमेश्‍वरला माने खिताला मिओनगी पालज्‍यीक जोबा ओतान।

हिब्रू 9:1 Iomraidhean Croise

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

हिब्रू 8:13

दोक खाईन परमेश्‍वरगी ज्‍येनज्‍यीक जमान खिओ सिन साकीन गोमे जमान छ्याःङ काम लै मिक्‍किच्‍या जोसुङ। ङिङबा गाल्‍गीन काम लै मिक्‍किच्‍या गालाते जे कुरोङ ङीमाई दाक तोरला डुइओ।

हिब्रू 8:2

थेमे थेकी थेरू गाङे भन्‍दा छ्येते पूजारी काम खिन ओत। थेकी काम खित्‍च्‍येते ठाउँचेन थाङबो मोशे पालोला परमेश्‍वरला देताला सिन जोबाते पाल च्‍योक्‍ते मेन। थे पालचेन मिओनगी जोबा ओतान। थाल्‍ला साबाते ठाउँचेन प्रभु परमेश्‍वर थे खोरोङगीराङ जोबाते ईन।

हिब्रू 8:7

थे खोरोङगी खिता चालाते काम परमेश्‍वरगी मोशे पालोला खाबाते जमान छ्य्‌वापेईराङ खिता चालाते ईन्‍सीन तिरी लोक्‍ला थेकी ज्‍येन जमान खित्‍च्‍याराङ मेतान।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।