हिब्रू 8:8 - जिरेल

⁸ थे खोरोङ मि ईन सिन छाने खाबाते मिओनगी गल्‍ती खाबेकीराङ थेकी थेबा दोषी ईन सिन साबाते बात परमेश्‍वर बातला दोक सिन टिला दुक। च्‍यि सासीन “था समयज्‍यीक ओङगो। थेजीन ङा प्रभु परमेश्‍वर इस्राएलीओन थेमे यहूदिये मिओनताङ ज्‍येनज्‍यीक जमान खिओ।

हिब्रू 8:8 Iomraidhean Croise

मत्ती 26:28

दिचेन ङे ठाक ईन। काल्‍बेई मिओनगी खाबाते पाप माफ ओङस्‍यीत सिन थेबे लाईदु स्‍यिजीन ङे जीउदुकी थेन्‍दाते ङे ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

मर्कूस 14:24

थे थुङा तेरगीन थेकी “दिचेन ङे ठाक ईन। मि काल्‍बेई लाईदु स्‍यिजीन ङे जीउदुकी थेन्‍दाते ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

लूका 17:22

थेमे थेकी चेलातेबाला “था समयज्‍यीक ओङगो। थेजीन ख्‍योकोनला परमेश्‍वर ओत्‍सादुई वाबाते मि थानी देमा ग्‍युरगीन वाकीन राज्‍य खिताला स्‍यूसीन थेमे ङीमाईकामा थे राज्‍यदु देता ङेत्‍सीनोङ चुक लेमु ओङच्‍या ओताने सिराच्‍योक लाङगो। तर थेजीन ख्‍योकोनगी साबाच्‍योक मेङगो।

लूका 22:20

थेमे साप सोनामेकी गोमा स्‍योबेन च्‍योकराङ खाईन अंगूर छ्याङ लुक्‍पाते कचौरा लाःक्‍तु लाकीन “दिचेन परमेश्‍वरगी मिओनताङ तिरी खिओ साबाते जमान ईन। ख्‍योकोन लाईदु स्‍यिजीन ङे जीउदुकी थेन्‍दाते ठागीराङ दि जमान पूरो खित्‍च्‍येते ईन।

लूका 5:38

थोगी भर्खर लाबाते छ्याङचेन साम्‍बाते कोक्‍तेन गीउला लुक्‍ला ज्‍य्‌वाक्‍यो।

१ कोरिन्‍थी 11:25

थेमे साप सोनामेकी गोमा स्‍योबेन च्‍योकराङ खाईन अंगूर छ्याङ लुक्‍पाते कचौरा लाःक्‍तु लाकीन “दिचेन परमेश्‍वरगी मिओनताङ तिरी खिओ साबाते जमान ईन। ङे जीउदुकी थेन्‍दाते ठागीराङ दि जमान पूरो खित्‍च्‍येते ईन। ख्‍योकोन जुन जुन बेलाला दोक खाला थुङगीदुक, ङा ख्‍योकोन लाईदु स्‍याप्‍ते बात सम्‍झे खिताला थुङच्‍येते खि,” सिनोङ साबा ओतान।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 7:22

थेकी ना क्‍याल्‍गीन येशूला पूजारी जोबा ओतेकी मोशे पालोला खाबाते जमान भन्‍दा तिरी खाबाते दि जमान छ्ये ईन सिन दाक छ्या स्‍येकीदुक। दि जमान पूरो खित ज्‍युत्‍कान्‍ते येशूराङ ईन।

हिब्रू 8:13

दोक खाईन परमेश्‍वरगी ज्‍येनज्‍यीक जमान खिओ सिन साकीन गोमे जमान छ्याःङ काम लै मिक्‍किच्‍या जोसुङ। ङिङबा गाल्‍गीन काम लै मिक्‍किच्‍या गालाते जे कुरोङ ङीमाई दाक तोरला डुइओ।

हिब्रू 8:6

थोक ईन्‍देकी परमेश्‍वरगी मोशे पालोला खाबाते जमान भन्‍दाङ येशूकी खित्‍सादु पूरो ओङाते जमान छ्ये ईन। थोकराङ खाला दुरू पूजारीओनगी खित्‍च्‍येते काम भन्‍दा परमेश्‍वरगी येशूला सोम्‍पे खाबाते पूजारी काम छ्ये ईन। च्‍यिला सासीन येशूकी खित्‍सादु पूरो ओङाते जमानलाचेन झन छ्ये छ्ये बात ओत।

हिब्रू 9:15

थोक खाईन स्‍यिइन ख्रीष्‍टचेन परमेश्‍वरगी तिरी खाबाते जमान पूरो खाला तेरकान्‍ते ओङा ओत। थे थोक खित्‍कान्‍ते ओङेकी खित्‍सादु परमेश्‍वरगी थे खोरोङ दोन्‍दु स्‍योक सिन काताङाते मिओनला नोमुङ मोतोरच्‍या खाला तेरग्‍यो सिन साबाते जति था थेबेकी गाङे ङेत्‍च्‍या ओङा ओत। परमेश्‍वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्‍टकी भोगे खाईन स्‍याप्‍की खित्‍सादु थेबेकी ङेत्‍च्‍येते जति ङेत्‍च्‍या ओङाते ईन।