हिब्रू 8:6 - जिरेल

⁶ थोक ईन्‍देकी परमेश्‍वरगी मोशे पालोला खाबाते जमान भन्‍दाङ येशूकी खित्‍सादु पूरो ओङाते जमान छ्ये ईन। थोकराङ खाला दुरू पूजारीओनगी खित्‍च्‍येते काम भन्‍दा परमेश्‍वरगी येशूला सोम्‍पे खाबाते पूजारी काम छ्ये ईन। च्‍यिला सासीन येशूकी खित्‍सादु पूरो ओङाते जमानलाचेन झन छ्ये छ्ये बात ओत।

हिब्रू 8:6 Iomraidhean Croise

लूका 22:20

थेमे साप सोनामेकी गोमा स्‍योबेन च्‍योकराङ खाईन अंगूर छ्याङ लुक्‍पाते कचौरा लाःक्‍तु लाकीन “दिचेन परमेश्‍वरगी मिओनताङ तिरी खिओ साबाते जमान ईन। ख्‍योकोन लाईदु स्‍यिजीन ङे जीउदुकी थेन्‍दाते ठागीराङ दि जमान पूरो खित्‍च्‍येते ईन।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।

१ तिमोथी 2:5

च्‍यिला सासीन परमेश्‍वर दोक्‍पोईकामा ओत थेमे परमेश्‍वरताङ मिओनला डिक्‍पा खाला तेरकान्‍तेङ दोक्‍पोईकामा ओत। थेचेन मि जुनी लाबाते येशू ख्रीष्‍टराङ ईन।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 7:22

थेकी ना क्‍याल्‍गीन येशूला पूजारी जोबा ओतेकी मोशे पालोला खाबाते जमान भन्‍दा तिरी खाबाते दि जमान छ्ये ईन सिन दाक छ्या स्‍येकीदुक। दि जमान पूरो खित ज्‍युत्‍कान्‍ते येशूराङ ईन।

२ पत्रुस 1:4

थेकी जमान खाईन तेरग्‍यो साबाते आशी ङेत्‍नामेई ङुरूङगी खोपरोङ सेम मेलेबा ओतेकी दि सा लुङबे मिओनगी च्‍योक दाक्‍पोन सेमला लाबा लाबा मिक्‍किता खाला थेकी खिता च्‍योकराङ लेमु खिता थुप्‍क्‍यो।