हिब्रू 8:5 - जिरेल

⁵ दुरू पूजारीओनगी काम खित्‍च्‍येते ठाउँनी स्‍वर्गने ओताते ठाउँकी नक्‍कलकामा ईन। थोगीराङ मोशेकी परमेश्‍वरला देताला सिन पाल जोजीन परमेश्‍वरगी थेला “खुई ङा देत्‍च्‍येते पाल जोजीन गाङे ङे खोल्‍ला सीनै बोमदु तेन्‍गीन बिन्‍दा ओता च्‍योकराङ खाला जो,” सिन साबा ओतान।

हिब्रू 8:5 Iomraidhean Croise

मत्ती 2:12

थेमे परमेश्‍वरगी मिलामला थेबाला गेल्‍बो हेरोद ओत्‍सापा मोन्‍डोबा खाला खोपरोङ लुङबापा ग्‍युरला ग्‍युक साबेकी थेबा ज्‍येन लामलेई खाईन ग्‍युरगीन गाल्‍सुङ।

शक्ति काम 7:44

थोरूमोङ च्‍यि सासीन ङुरूङ ज्‍युज्‍यु पुर्खा ठाःकताङ बालुवा बाई छ्याःङ मेत्‍से नाङला देते बेलाला परमेश्‍वर थेबाताङ ङ्योम्‍बु ओत सिन सिराला पालज्‍यीक जोबा ओतान। थेबेकी थे पाल चुक खाला ज्‍वा फाप्‍कीते सिन परमेश्‍वरगी मोशाला तेन्‍गीन बिन्‍दा च्‍योकराङ खाईन जोबा ओतान।

कलस्‍सी 2:17

दोक्‍ते साच्‍या थुङच्‍याताङ चाड माने खित्‍च्‍येते बाततेबा गाङे परमेश्‍वरला माने खिताला ख्रीष्‍ट मावाथुप ङेन्‍दा फाप्‍च्‍येते बातकामा ओतान। थोगी दि बाततेबा खालि ख्रीष्‍ट वानामेई चुक चुक खिते सिन थेकी खित्‍च्‍येते कामगी नक्‍कलकामा ओतान। ख्रीष्‍ट वानामेई परमेश्‍वरला चुक खाला माने खिता फाप्‍कीते सिरच्‍येते गाङे बात पूरो ओङा ओत।

हिब्रू 10:1

परमेश्‍वरगी मि नाङ थे खोरोङ नियम छ्य्‌वापेई खिता चालाते कामताङ तिरी थेबाला लेमु खिओ साबाते काम दोक्‍पोईराङ मेतान। थे नियमचेन तिरी थेकी लेमु खिओ साबाते कामगी नक्‍कलकामा ओतान। थोगीराङ थे नियमला साबाच्‍योक खाईन पूजारीओनगी लोई ठाङमा परमेश्‍वरला याङ याङ पशुतेबा भोग तेरगीन देत्‍सीनोङ थेला माने खिताला थे दोन्‍दु डोकान सुङगीङ नोमुङ था ईन्‍सीन ङे पाप गाङे माफ ओङसुङ सिन सिरा थुपा मेतान।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 13:10

ङुरूङगी थानज्‍यीक्‍तु चढे खाबाते सा ओङगो। थे थानदु चढे खाबातेचेन थाङबो पाल जोनामेकी थे पालगी नाङ जेसुकै चढे खिता फाप्‍च्‍येते नियम थोरूमसाक ङेन्‍कान्‍ते मिओनगी सा ओङच्‍येते मेन।

हिब्रू 9:9

थे गोमे कोठाताङ थे नाङ खित्‍च्‍येते गाङे कामगी विचार खित्‍जीन ङुरूङगी थरिङोला दि बातज्‍यीक लेमु खाला खोबा थुप्‍कीदुक। च्‍यि सासीन परमेश्‍वरला जे चढे खासीनोङ, भोग बिन्‍सीनोङ सुङ मि था ईन्‍सीन ङे पाप पूरो खाईन पाप ओङसुङ सिराच्‍योक खाईन ढुक्‍क खाईन देता थुपा मेतान।

छ्या स्‍ये च्‍युताते बात 15:5

थेमे दि तिरी ताजीन ङे स्‍वर्गने ओताते परमेश्‍वर मन्‍दिर गो फेता थोङसुङ। दिचेन ङे च्‍यि थोङा ओताने सासीन थाङबो परमेश्‍वर इस्राएलीओनताङ ङ्योम्‍बु ओत सिन सिराला जोबाते पालगी गो फेता थोङा ओतान।