हिब्रू 8:2 - जिरेल

² थेमे थेकी थेरू गाङे भन्‍दा छ्येते पूजारी काम खिन ओत। थेकी काम खित्‍च्‍येते ठाउँचेन थाङबो मोशे पालोला परमेश्‍वरला देताला सिन जोबाते पाल च्‍योक्‍ते मेन। थे पालचेन मिओनगी जोबा ओतान। थाल्‍ला साबाते ठाउँचेन प्रभु परमेश्‍वर थे खोरोङगीराङ जोबाते ईन।

हिब्रू 8:2 Iomraidhean Croise

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

रोमी 15:8

ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

२ कोरिन्‍थी 5:1

थरिङोले ङुरूङ जीउ ङीमा ङि सुम देताला टाँए खाबाते पाल च्‍योक्‍तेकामा ईन। स्‍यिनामेकी ङुरूङ दाक रूल्‍ला डुइओ सिन ङुरूङला छ्या ओत। ईन्‍सीनोङ था तिरी परमेश्‍वरगी ङुरूङला नोमुङ स्‍यिला रूल्‍ला मोन्‍डोच्‍येते जीउ तेरग्‍यो। थे जीउचेन मिकी जोबाते खाम्‍बा च्‍योक मेन्‍देकी नोमुङ माराम्‍च्‍येते स्‍वर्गे खाम्‍बा च्‍योक्‍ते ईन।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।

हिब्रू 10:11

ङीमे ठाङमा खोपरोङला खि साबा ओता च्‍योकराङ खाला पूजारी गाङेकी लाला देत्‍ला पशुराङ पशु भोग तेरगीन देत्‍सीनोङ नोमुङ सुङ मि पाप माफ ओङा थुपा मेतान।

हिब्रू 10:21

थेरू परमेश्‍वर मि गाङे लाईदु काम खित्‍कान्‍ते ङुरूङते छ्येज्‍यीक पूजारी ओत।

हिब्रू 11:10

अब्राहामनी नोमुङ राम्‍ला तोरला मोन्‍डोच्‍येते सारदु देता ङेत्‍क्‍यो सिरच्‍येते बातका पत्ते खाईन होथे सारदु देता ङेत्‍क्‍यो सिन गुकीन देता ओतान। थे सारचेन परमेश्‍वर थे खोरोङगी दोक खाला ज्‍वामीन साकीन थेकीराङ जोबाते ईन।

हिब्रू 9:1

परमेश्‍वरगी गोमा खाबाते जमानलाङ च्‍यि खिता फाप्‍कीते, चुक खाला थेला माने खिता फाप्‍कीते सिरच्‍येते नियमओन ओतान। थेमे थेरू खि साबाच्‍योक खाला परमेश्‍वरला माने खिताला मिओनगी पालज्‍यीक जोबा ओतान।

छ्या स्‍ये च्‍युताते बात 21:3

थेमे सिंहासनदुकी आउदी कस्‍स्‍ये खाईन “थानामेईचेन सधैँ लाईदु परमेश्‍वर थे खोरोङ मिओनताङ देत्‍क्‍यो। थेमे थेबा परमेश्‍वर मि ओङगो। परमेश्‍वर थेबाताङ ङ्योम्‍बु देत्‍ला थेचेन थेबे परमेश्‍वर ओङगो।