हिब्रू 8:10 - जिरेल

¹⁰ था ङे इस्राएलीओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। थोक खानामेई थेबेकी ङाला खोपरोङ परमेश्‍वर ईन सिन माने खिओ। थेमे ङा थेबाला ङाराङ मिओन ईन सिन सिओ।

हिब्रू 8:10 Iomraidhean Croise

मत्ती 22:32

चुक सासीन थेरूचेन परमेश्‍वरगी ‘ङा अब्राहाम, इसहाक थेमे याकूब परमेश्‍वर ईन,’ सिन साबा ओत। मि स्‍यिनामेई थोकराङ तोरला डोच्‍या ईन्‍दा ईन्‍सीन ङुरूङ ज्‍युज्‍यु पुर्खा स्‍यिनामेकीङ ङा थेबे परमेश्‍वर ईन सिन परमेश्‍वरगी सिरच्‍याराङ मेतान,” सिन सिदुक।

रोमी 11:27

परमेश्‍वर थे खोरोङगीराङ “ङा ङाराङगी थेबाताङ जमान खाबा च्‍योकराङ खाला थेबेकी खाबाते पाप माफ तेरग्‍यो,” सिन साबाते बादोङ परमेश्‍वर बातला टिबा ओत।

१ कोरिन्‍थी 6:16

रन्‍डीताङ ङ्याल्‍कान्‍ते मि थेत्ताङ जीउज्‍यीकराङ ओङगो सिन च्‍यि ख्‍योकोनला छ्या मेत? परमेश्‍वर बातला “ख्‍यावा फेम्‍मे ओङनामेई थेबा ङिबो जीउज्‍यीकराङ ओङगो,” सिन टिबा ओत।

२ कोरिन्‍थी 3:3

थेकी साबाच्‍योक खाईन ङ्योकोनगी ख्‍योकोन नाङ काम खाबेकी दि चिट्ठीचेन ख्रीष्‍ट थे खोरोङगीराङ टिबाते ईन सिन मि गाङेकी छ्या स्‍येला दुक। दि चिट्ठी मसीकी टिबाते मेन, दोई पाटीला टिबातेङ मेन। दिचेन सोम्‍बोते परमेश्‍वर आत्‍मेकी मि सेमगी नाङराङ टिबाते ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

१ पत्रुस 1:23

परमेश्‍वरगी ख्‍योकोनला लोक्‍ला केर ज्‍युताच्‍योक खाईन साम्‍बाते जुनी बिन्‍दा ओत। दि काम थेकी थे खोरोङ बातकी छ्य्‌वापेई खाबाते ईन। पालोई स्‍यिला डोच्‍येते मि छ्य्‌वापेई फिजा केबाच्‍योक मेन्‍देकी नोमुङ फरक परे मिक्‍किच्‍येते थे खोरोङ बातकी छ्य्‌वापेई परमेश्‍वरगी ख्‍योकोनला दि साम्‍बाते जुनी बिन्‍दाते ईन। थे खोरोङ बातकी छ्य्‌वापेई परमेश्‍वरगी मि नाङ काम खिओ, परमेश्‍वर बातला जे साला दुक थे पक्‍काराङ ओङगो।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।