हिब्रू 7:6 - जिरेल

⁶ मल्‍कीसेदेकनी लेवी थरगी नाङ केबाते मिङ मेन। ईन्‍सीनोङ थेकीचेन अब्राहाम छ्य्‌वापेई बो च्‍युताम्‍बे नाङ बोज्‍यीक ङेता ओतान। थेमे थेकी परमेश्‍वरगी जमान खाईन तेरग्‍यो साबाते जति गाङे ङेत्‍कान्‍ते अब्राहामलाङ आशी बिन्‍दा ओतान।

हिब्रू 7:6 Iomraidhean Croise

शक्ति काम 3:25

ख्‍योकोनचेन होथे परमेश्‍वर बात खित्‍कान्‍तेबे सन्‍तानराङ ईन्‍देकी थेबेकी खाबाते बातओन ख्‍योकोनला छ्या स्‍ये ज्‍युतालाराङ खाबा ओतान। थेमे परमेश्‍वरगी ख्‍योकोन ज्‍युज्‍यु पुर्खाताङ खाबाते जमान थेबे लाईदुकामा खाबा मेतान। थे जमानचेन थेकी ख्‍योकोनताङोङ खाबाते ईन। चुक सासीन परमेश्‍वरगी अब्राहामला ‘खुई सन्‍तान छ्य्‌वापेकीराङ ङा लुङबा लुङबे मि गाङेला आशी तेरग्‍यो,’ सिन साबा ओतान।

रोमी 4:13

थेमे याङराङ परमेश्‍वरगी दि सा लुङबा अब्राहामताङ थे सन्‍तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्‍सुङ सिन परमेश्‍वरगी थेत्ताङ जमान खाबा मेतान। थेकी थे खोरोङताङ जमान खाबा च्‍योकराङ खिओ सिन अब्राहामगी थेला विश्‍वास खाबेकी परमेश्‍वरगी थेला दोषी मेन सानामेकी दि जमान खाबा ओतान।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 11:17

परमेश्‍वरगी जे खासीनोङ लेमुराङ खिओ सिन थेला विश्‍वास खाबा ओतेकीराङ थेकी थे सेम ताप्‍ला इसहाकला भोग बिन सिरजीन अब्राहामगी थोक खिताला ठीक खासुङ। थेकी अब्राहामला थे सखा सन्‍तान काल्‍बेई फेल ज्‍युत्‍क्‍यो सिन जमान खाबा ओतान। थे खोरोङ सन्‍तान मिनला दोक्‍पोईराङ ओताते फुज्‍युङला अब्राहामगी भोग तेराला ठीक खाबा ओतान।

हिब्रू 7:1

मल्‍कीसेदेकचेन शालेम सारगी गेल्‍बो थेमे गाङे भन्‍दा छ्येते परमेश्‍वर पूजारी ओतान। बाजिई अब्राहाम गेल्‍बो स्‍यीला ग्‍याल्‍ला लडाइँलेई ग्‍युरला ओङजीन थेला ठेत्‍कीन थेकी अब्राहामला आशी बिन्‍दा ओतान।

हिब्रू 7:7

आशी ङेत्‍कान्‍ते भन्‍दा आशी तेरकान्‍तेराङ छ्ये ईन सिन ङुरूङ गाङेला छ्या ओत मेन?