हिब्रू 7:3 - जिरेल

³ थेते आबा आमाताङ ज्‍युज्‍यु पुर्खा सु ओताने, थे नाम केकीन नाम स्‍या ओताने सिरच्‍येते बात सुङलाङ छ्या मेत। थेचेन परमेश्‍वर फुज्‍युङ च्‍योकराङ सधैँभरि पूजारी ओङगीन देता ओत।

हिब्रू 7:3 Iomraidhean Croise

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 7:1

मल्‍कीसेदेकचेन शालेम सारगी गेल्‍बो थेमे गाङे भन्‍दा छ्येते परमेश्‍वर पूजारी ओतान। बाजिई अब्राहाम गेल्‍बो स्‍यीला ग्‍याल्‍ला लडाइँलेई ग्‍युरला ओङजीन थेला ठेत्‍कीन थेकी अब्राहामला आशी बिन्‍दा ओतान।

हिब्रू 7:17

बात दोक ईन सिन परमेश्‍वर बातला “खो मल्‍कीसेदेक च्‍योक्‍ते पूजारी ईन, खोचेन सधैँभरि पूजारी ओङला देत्‍क्‍यो,” सिन साला दुक।

हिब्रू 7:2

थेमे अब्राहामगीचेन थे खोरोङगी लडाइँला ग्‍याल्‍गीन ठ्वाकीन खुलाबाते जेसुकैते बो च्‍युताम्‍बे नाङ बोज्‍यीक टाल्‍गीन थेला बिन्‍दा ओतान। मल्‍कीसेदेक साबाते काका पाका मिक्‍किता खाला राज्‍य खित्‍कान्‍ते गेल्‍बो साबाते ईन। थेकी राज्‍य खाबाते शालेम सारगी अर्थचेन आनन्‍दे सार साबाते ईन। थोक ईन्‍देकी मल्‍कीसेदेकचेन आनन्‍दे सारगी गेल्‍बोङ ओतान।

हिब्रू 7:6

मल्‍कीसेदेकनी लेवी थरगी नाङ केबाते मिङ मेन। ईन्‍सीनोङ थेकीचेन अब्राहाम छ्य्‌वापेई बो च्‍युताम्‍बे नाङ बोज्‍यीक ङेता ओतान। थेमे थेकी परमेश्‍वरगी जमान खाईन तेरग्‍यो साबाते जति गाङे ङेत्‍कान्‍ते अब्राहामलाङ आशी बिन्‍दा ओतान।