हिब्रू 7:2 - जिरेल

² थेमे अब्राहामगीचेन थे खोरोङगी लडाइँला ग्‍याल्‍गीन ठ्वाकीन खुलाबाते जेसुकैते बो च्‍युताम्‍बे नाङ बोज्‍यीक टाल्‍गीन थेला बिन्‍दा ओतान। मल्‍कीसेदेक साबाते काका पाका मिक्‍किता खाला राज्‍य खित्‍कान्‍ते गेल्‍बो साबाते ईन। थेकी राज्‍य खाबाते शालेम सारगी अर्थचेन आनन्‍दे सार साबाते ईन। थोक ईन्‍देकी मल्‍कीसेदेकचेन आनन्‍दे सारगी गेल्‍बोङ ओतान।

हिब्रू 7:2 Iomraidhean Croise

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

हिब्रू 7:1

मल्‍कीसेदेकचेन शालेम सारगी गेल्‍बो थेमे गाङे भन्‍दा छ्येते परमेश्‍वर पूजारी ओतान। बाजिई अब्राहाम गेल्‍बो स्‍यीला ग्‍याल्‍ला लडाइँलेई ग्‍युरला ओङजीन थेला ठेत्‍कीन थेकी अब्राहामला आशी बिन्‍दा ओतान।

हिब्रू 7:3

थेते आबा आमाताङ ज्‍युज्‍यु पुर्खा सु ओताने, थे नाम केकीन नाम स्‍या ओताने सिरच्‍येते बात सुङलाङ छ्या मेत। थेचेन परमेश्‍वर फुज्‍युङ च्‍योकराङ सधैँभरि पूजारी ओङगीन देता ओत।