हिब्रू 7:16 - जिरेल

¹⁶ दि पूजारीचेन ज्‍येन च्‍योक पूजारी सन्‍तान नाङ केकीन पूजारी ओङाते मेन। दि पूजारी स्‍याप्‍ते स्‍यापराङ मेङा खाला स्‍यिसादुकी सोम्‍बो लोक्‍ला सधैँभरि देत्‍क्‍यो। थोगीराङ थे पूजारी ओङाते ईन।

हिब्रू 7:16 Iomraidhean Croise

रोमी 7:14

परमेश्‍वर नियमचेन परमेश्‍वरगीराङ बिन्‍दाते ईन सिन ङुरूङला छ्या ओत। ङाचेन परमेश्‍वरगी खि साबाच्‍योक खिता मुथुप्‍कान्‍ते मिकामा ईन। थेमे पापकी योक्‍पो च्‍योकराङ ओङा ओतेकी ङे खालि मेलेबाते कामताङ बात खिता फाप्‍कीदुक।

गलाती 4:3

होथोक्‍ते धनीते मि फुज्‍युङगी थे खोरोङ उमेर माछाङथुप ज्‍येनगी अधीनला देता फापा च्‍योकराङ दाक्‍पोनगी बात लेमु खाईन छ्या मास्‍येथुप गोमा ङुरूङोङ दि सा लुङबादु थाङबोमेई चले खिन वाबाते रीतिथिति माने माक्‍याबाला ओङराङ मेङगो सिराच्‍योक खाला थे रीतिथितिओन माने खिन ओतान।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

कलस्‍सी 2:14

चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

हिब्रू 10:1

परमेश्‍वरगी मि नाङ थे खोरोङ नियम छ्य्‌वापेई खिता चालाते कामताङ तिरी थेबाला लेमु खिओ साबाते काम दोक्‍पोईराङ मेतान। थे नियमचेन तिरी थेकी लेमु खिओ साबाते कामगी नक्‍कलकामा ओतान। थोगीराङ थे नियमला साबाच्‍योक खाईन पूजारीओनगी लोई ठाङमा परमेश्‍वरला याङ याङ पशुतेबा भोग तेरगीन देत्‍सीनोङ थेला माने खिताला थे दोन्‍दु डोकान सुङगीङ नोमुङ था ईन्‍सीन ङे पाप गाङे माफ ओङसुङ सिन सिरा थुपा मेतान।

हिब्रू 7:15

थेमे मल्‍कीसेदेक च्‍योक्‍ते पूजारी ओङगीन ज्‍येनज्‍यीक पूजारी वाबेकी लेवी थरगी पूजारी नियम था काम लै मिक्‍किओ सिरच्‍येते बात झन लेमु खाला छ्या स्‍येकीदुक।

हिब्रू 7:17

बात दोक ईन सिन परमेश्‍वर बातला “खो मल्‍कीसेदेक च्‍योक्‍ते पूजारी ईन, खोचेन सधैँभरि पूजारी ओङला देत्‍क्‍यो,” सिन साला दुक।

हिब्रू 7:21

परमेश्‍वरगी ना क्‍याल्‍गीन थेला पूजारी जोबाते बात परमेश्‍वर बातला “ङा प्रभु परमेश्‍वर खोत्ताङ दि बात नोमुङ खुदुक मोजोओ सिन ना केल्‍ग्‍यो। च्‍यि सासीन खोचेन सधैँभरि पूजारी ओङला देत्‍क्‍यो,” सिन टिला दुक।

हिब्रू 7:28

परमेश्‍वरगी बिन्‍दाते नियम अनुसार छाने खित्‍च्‍येते गाङे भन्‍दा छ्येते पूजारीचेन परमेश्‍वरगी खि साबा च्‍योकराङ खिता मुथुप्‍कान दाक पाप खिता थुप्‍कान्‍ते मि ओङगो। तर थे नियम बिन्‍नामेई तिरीचेन परमेश्‍वरगी ना क्‍याल्‍गीन थे खोरोङ फुज्‍युङला गाङे भन्‍दा छ्येते पूजारी छाने खाबा ओत। थेकीचेन परमेश्‍वरगी खि साबाते जति गाङे सधैँभरि लाईदु पूरो खाबा ओत।

हिब्रू 7:3

थेते आबा आमाताङ ज्‍युज्‍यु पुर्खा सु ओताने, थे नाम केकीन नाम स्‍या ओताने सिरच्‍येते बात सुङलाङ छ्या मेत। थेचेन परमेश्‍वर फुज्‍युङ च्‍योकराङ सधैँभरि पूजारी ओङगीन देता ओत।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।