हिब्रू 7:11 - जिरेल

¹¹ लेवी थरगी पूजारीओनगी ङेन्‍ला काम खिता फाप्‍च्‍येते नियम विचार खाईन परमेश्‍वरगी इस्राएलीओनला थे खोरोङ नियम बिन्‍दा ओतान। पूजारीओनगी थे नियमला साबाच्‍योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्‍च्‍या ईन्‍सीन पूजारी हारून च्‍योकराङ मेन्‍देकी मल्‍कीसेदेक च्‍योकराङ ओङला लोक्‍ला ज्‍येनज्‍यीक पूजारी ओङा फाप्‍च्‍येते छ्याःङ खाँचो मेतान।

हिब्रू 7:11 Iomraidhean Croise

गलाती 2:21

परमेश्‍वरगी ख्रीष्‍टकी छ्य्‌वापेकी मिओनला दया खाबाते काम ङा छ्याःङ काम लै मिक्‍किओ सिराच्‍योक मिक्‍किओ। परमेश्‍वर नियमला खि साबाते ङेन्‍देकी परमेश्‍वरगी ङाला दोषी मेन सिरच्‍येते ईन्‍दा ईन्‍सीन ख्रीष्‍ट बिनसित्तिला स्‍यापच्‍योक ओङच्‍या ओतान,” सिन साबाप।

गलाती 4:3

होथोक्‍ते धनीते मि फुज्‍युङगी थे खोरोङ उमेर माछाङथुप ज्‍येनगी अधीनला देता फापा च्‍योकराङ दाक्‍पोनगी बात लेमु खाईन छ्या मास्‍येथुप गोमा ङुरूङोङ दि सा लुङबादु थाङबोमेई चले खिन वाबाते रीतिथिति माने माक्‍याबाला ओङराङ मेङगो सिराच्‍योक खाला थे रीतिथितिओन माने खिन ओतान।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

हिब्रू 5:10

मिओनला दोक खित्‍कान्‍ते ईन्‍देकीराङ परमेश्‍वरगी थेला मल्‍कीसेदेक च्‍योकराङ गाङे भन्‍दा छ्येते पूजारी जोसुङ।

हिब्रू 5:6

परमेश्‍वर बातलाराङ ज्‍येन ठाउँज्‍यीक्‍तु परमेश्‍वरगी “खो मल्‍कीसेदेक च्‍योक्‍ते पूजारी ईन। खोचेन सधैँभरि पूजारी ओङला देत्‍क्‍यो,” सिनोङ साला दुक।

हिब्रू 7:10

च्‍यिला सासीन अब्राहाम सन्‍तान ईन्‍सीनोङ थेजीन लेवी केबाराङ मेतान।

हिब्रू 7:12

लेवी थरगी पूजारी ठाउँदु ज्‍येनज्‍यीक पूजारी ओङा फापेकी नियमोङ खुदुक ओङसुङ।

हिब्रू 7:13

थाल्‍लासाक ङुरूङगी बात खाबाते पूजारीचेन पूजारी थरदु केबाते मेन। दिकामा मेन्‍दाला थे थरगीते सुङ नोमुङ पूजारी ओङा मेतान, पूजारी कामोङ खाबा मेतान।

हिब्रू 7:15

थेमे मल्‍कीसेदेक च्‍योक्‍ते पूजारी ओङगीन ज्‍येनज्‍यीक पूजारी वाबेकी लेवी थरगी पूजारी नियम था काम लै मिक्‍किओ सिरच्‍येते बात झन लेमु खाला छ्या स्‍येकीदुक।

हिब्रू 7:21

परमेश्‍वरगी ना क्‍याल्‍गीन थेला पूजारी जोबाते बात परमेश्‍वर बातला “ङा प्रभु परमेश्‍वर खोत्ताङ दि बात नोमुङ खुदुक मोजोओ सिन ना केल्‍ग्‍यो। च्‍यि सासीन खोचेन सधैँभरि पूजारी ओङला देत्‍क्‍यो,” सिन टिला दुक।

हिब्रू 8:7

थे खोरोङगी खिता चालाते काम परमेश्‍वरगी मोशे पालोला खाबाते जमान छ्य्‌वापेईराङ खिता चालाते ईन्‍सीन तिरी लोक्‍ला थेकी ज्‍येन जमान खित्‍च्‍याराङ मेतान।

हिब्रू 9:6

थोक खाईन पाल जोकीन सिन्‍नामेकी पूजारीओन ङीमे ठाङमा थोङगी कोठादु स्‍यूला खोपरोङगी खिता फाप्‍च्‍येते काम खिन ओतान।