हिब्रू 6:4 - जिरेल

⁴ थेमे दि बात टोक माज्‍येत। च्‍यि सासीन परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओताते, परमेश्‍वरगी खोपरोङला ताला जेसुकै लेमु ओङ ज्‍युत्‍क्‍यो सिरच्‍येते बात खोबा ओताते, परमेश्‍वर आत्‍मा ङेता ओताते,

हिब्रू 6:4 Iomraidhean Croise

मत्ती 12:45

थोक थोङनामेई था याङराङ देता ङेत्‍च्‍याक्‍वा सिन थे ग्‍युरला गाल्‍ला थे खोरोङ भन्‍दाङ मेलेबातेन्‍दे ल्‍हन्‍डीक दुईनटीकला टीला खुलाङगो। थेमे थेबाबरी थे मिलाराङ खोक्‍यो। थोक ओङनामेकी थे मि ल्‍हन्‍डीकज्‍यीककामा खोबा ओत्‍जीन भन्‍दाङ झन मेलेबा डुइओ। थेमे मेलेबा मेलेबा काम खित्‍कान ख्‍योकोन था समय मिओनलाङ होथोकराङ मेलेबा ओङगो,” सिन सिदुक।

मत्ती 5:13

थेमे दि सा लुङबे मि दोन्‍दु ख्‍योकोनचेन छा च्‍योक्‍ते ईन। तर दि बात टोक माज्‍येत। छेते छाप्‍टो तोरसीन थे छेते च्‍यि काम, याङराङ च्‍यिकी थे छा छाप्‍टो जोच्‍ये? दोक्‍ते छानी छ्याःङ काम लै मिक्‍किओ सिन क्‍युरग्‍यो। थेमे क्‍युरसादु गाङेकी ङेन्‍ला झन छ्याःङ काम लै मिक्‍किच्‍या जोइओ।

यूहन्‍ना 15:6

ङात्ताङ डिक्‍लाराङ मेदेत्‍कान्‍ते मिचेन दोङबोदुकी लाछे खाईन क्‍युराते हाँगा च्‍योक्‍ते ईन। लाछे खाईन क्‍युराते थोक्‍ते हाँगा काम्‍ग्‍यो। थेमे रूला मे नाङमा क्‍युरग्‍यो। थेमे थे थेरूराङ छिइओ।

यूहन्‍ना 3:27

थोक सिरजीन थेकी “परमेश्‍वरगी खो दोक खि सिन मासाबाला सुङगीङ छ्याःङ खिता मुथुबो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 6:32

थोक सिरजीन थेकी “दि बात ङेन। थेजीन मोशेकी बिन्‍दाते थे साप स्‍वर्गे साप मेन। ख्‍योकोनला मेताला ओङराङ मेङच्‍येते स्‍वर्गे सापनी ङे आबेकीका तेरग्‍यो।

शक्ति काम 10:45

थोक ओङनामेकी थेबा गाङेकी खोपरोङगी छ्या मास्‍येबाते खुदुक खुदुकते भाषाला बात खाईन परमेश्‍वरला छ्ये ज्‍वाप्‍ला स्‍यूसुङ। थोक ओङा थोङगीन पत्रुसताङ ङ्योम्‍बु गालाते येशूला विश्‍वास खित्‍कान्‍ते यहूदीओन “ओहो, परमेश्‍वरगीनी ज्‍येन ज्‍येन जातकी मिलाङ परमेश्‍वर आत्‍मा तेरच्‍याक्‍वा,” सिन छकदाङ परे खासुङ। थेमे पत्रुसकीचेन

शक्ति काम 11:17

ङुरूङगी च्‍योकराङ थेबेकीङ प्रभु येशू ख्रीष्‍टला विश्‍वास खासुङ। थेला विश्‍वास खानामेई परमेश्‍वरगी थेबालाङ ङुरूङला च्‍योकराङ खाईन परमेश्‍वर आत्‍मा बिन्‍सुङ। परमेश्‍वर थे खोरोङगीराङ ज्‍येन ज्‍येन जातकी मिलाङ परमेश्‍वर आत्‍मा बिन्‍नामेकी ङे चुक खाला थेला थोक खिता मेङगो सिन सिरच्‍ये?” सिन सासुङ।

शक्ति काम 15:8

थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

शक्ति काम 8:20

थेकी थोक खित्‍जीन पत्रुसकी थेला “परमेश्‍वरगी मिओनला छ्याःङ मिलिन्‍दा खाला तेरच्‍येते परमेश्‍वर आत्‍मा पैसा च्‍याल्‍ला ङेत्‍कीतासीन सिन साबाप? खो चुकस्‍यिक ओता ईन्‍दाका। खुई पैसा खोत्ताङराङ स्‍योक। खोनी स्‍यिला नरककुण्‍डमा डोरस्‍यीत।

रोमी 1:11

ङाला ख्‍योकोनला ठेता आउदी सेम ओत। दोक खाईन ङुरूङ ठेता ङेत्‍सीन परमेश्‍वर आत्‍मेकी तेरच्‍येते सीपताङ शक्ति ख्‍योकोनगीङ ङेत्‍स्‍यीत सिन लाप्‍ला तेरा थुप्‍च्‍या ओतान। दोक खाईन ख्‍योकोनगीङ थोक्‍ते सीपताङ शक्ति ङेत्‍नामेई प्रभु येशूला झन लेमु खाला विश्‍वास खिता थुप्‍च्‍या ओतान।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

गलाती 3:5

थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 2:8

ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

एफिसी 3:7

दि गा लाङच्‍येते बात लोप्‍च्‍येते काम ङा खिन ओत। परमेश्‍वरगी ङाला दया खाईन दि बात लोप सिन छाने खाईन दि काम खिताला थे खोरोङ शक्तिङ बिन्‍सुङ।

एफिसी 4:7

थेमे ख्रीष्‍टकी ङुरूङ सु सुला चुक्‍ते सीपताङ शक्ति तेरच्‍ये सिन टुङ्गो खाईन ङुरूङ गाङेला खुदुक खुदुकते काम खित्‍च्‍येते सीपताङ शक्ति बिन्‍दा ओत।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

२ तिमोथी 4:14

थेमे बातज्‍यीक च्‍यि सासीन थे अलेक्‍जेन्‍डर सिराते गारेकी ङाला आउदी मेलेबा खासुङ। थेकी थोक मेलेबा खाबाते काम ताला प्रभु येशू ख्रीष्‍टकी थेला सजाय तेरग्‍यो।

हिब्रू 10:32

थेमे गा लाङच्‍येते बात ङेन्‍दाला स्‍यूनामेई खेराङगी चुक चुक्‍तेन्‍दे दुक्‍पा भोगे खिता फापा ओताने होथे गोमे बाततेबा ठेम्‍बा खि। थे बात ङेन्‍नामेई ङेतासम्‍म दुक्‍पा ङेत्‍जीनोङ ख्‍योकोनगी थे बात ङेन्‍दा बान्‍दा ताङा मेतान।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

१ यूहन्‍ना 5:16

थेमे ख्‍योकोन सुइँदेकी खेराङ आज्‍यो न्‍वा सुइँदेकी पाप खिता थोङसीन थेमे थे पाप खाबेकी थे स्‍यिला नरककुण्‍डमा स्‍यूक्‍पा फाप्‍च्‍या मेत्‍सीन ख्‍योकोन थोक खिता थोङकानगी परमेश्‍वरगी थेला थारच्‍येते लाम तेरस्‍यीत सिन प्रार्थना खि। दोक खाईन प्रार्थना खानामेई परमेश्‍वरगी थेला नोमुङ मिसिन्‍च्‍येते जुनी मेतेरो सिन मिसिरो। ङे थोक्‍ते मि लाईदु प्रार्थना खि साबातेचेन खालि पाप खाबेकी खित्‍सादु स्‍यिला नरककुण्‍डमा स्‍यूक्‍पा माफाप्‍कान्‍ते मि लाईदुकामा ईन। पाप खाबेकी स्‍यिला नरककुण्‍डमा स्‍यूक्‍पा फाप्‍कान्‍ते मि लाईदु थोक खि सिनचेन ङे साबाते मेन। च्‍यिला सासीन दोक्‍ते पापोङ ओङगो, थे पाप खित्‍कान्‍ते मिचेन स्‍यिला नरककुण्‍डमा स्‍यूइओ।