हिब्रू 6:1 - जिरेल1 बात दोक ईन्देकी था ङुरूङगी ख्रीष्ट सु ईन्दे, थेकी च्यि खासुङा सिन शुरू शुरूला लोपा फाप्च्येते बातओनकामा लोप्कीन मेदेता खाला होदोक्ते बात लेमु खाला खोबा थुप्कान्ते पाकोते मि च्योक ओङा फाप्क्यो। च्यि सासीन थाचेन ङुरूङगी नरककुण्डमा स्यूक्च्येते काम खिता ताङला परमेश्वर छ्य्वापा लै खाला थेला विश्वास खित्च्येते, Faic an caibideil |
हिब्रू 6:1
50 Iomraidhean Croise
च्यिला सासीन यूहन्नेकीचेन परमेश्वरगी खि साबाच्योक खित्च्या सिराते च्यि ईन्दे सिन ख्योकोनला लापा ओतान। ईन्सीनोङ ख्योकोनगी थे बातला नामज्योकराङ मासेत्सुङ। तर कर लिन्कान्ते मिओन थेमे रन्डीओनगीचेन थे बात ङेन्सुङ। थेबेकी थोक खाबाते छ्या स्येनामेकीङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खित्च्येते माक्यासुङ, यूहन्ने बात मेङेन्दाराङ खाईन देत्सुङ।
थेकी दि गाङे बात सानामेकी गोमा थेला ङारकान्ते मि गाङेराङ खाराक्पा देत्सुङ। थेमे थेबेकी परमेश्वरते जय जय खिनकामा “दि चुक अचम्बे बात ईन्दाका। थानी परमेश्वरगी ङुरूङगी च्योकराङ खाला ज्येन ज्येन जातकी मिकीङ नोमुङ मिसिन्च्येते जुनी ङेत्स्यीत सिन थेबाला खोपरोङ पापी दुका सिन छ्या स्येला परमेश्वर छ्य्वापा लै खित्च्ये मौका तेराला स्यूदुक,” सिन बात खासुङ।
थोगी ङे गोमा दमस्कसदु थेमे यरूशलेमताङ यहूदिये अञ्चल नाङला गाङेपा थेमे ज्येन लुङबा लुङबाला गाल्गीन ज्येन ज्येन जातकी मिलाङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि सिन लापाप। थोक खित्जीन ङे थेबा गाङेला खोपरोङ पक्काराङ परमेश्वर छ्य्वापा लै खाबाते ईन सिन कामगीराङ खाला तेन्दा फाप्क्यो सिन साबाप।
परमेश्वरगी मि सेमला फोक्च्येते काम खित्जीन मिकी दाक्पोनगी मेलेबा काम खाबाते दुका सिन छ्या स्येला लोक्ला लेमु काम खिताला स्यूइओ। थेमे थोक्ते मिकी पापकी सजाय भोगे खिता माफाबो, परमेश्वरगी ङाला च्यिला दोक खाईन सेमला फोक्च्येते काम खासुङा सिराच्योक खिताङ माफाबो। तर परमेश्वरगी थोक खित्जीन लोक्ला लेमु काम खिता साटोला परमेश्वरगी ङाला च्यिला दोक खाईन सेमला फोक्च्येते काम खासुङा सिरा च्योककामा खिन देत्कान्ते मिचेन पापकी सजाय ङेत्ला नरककुण्डमा स्यूइओ।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो।
थोकराङ खाला खेराङ युलगी मि इपाफ्रासतेङ ख्योकोनला नमस्ते ओत्लो। थेङ येशू ख्रीष्ट काम खित्कान्ते मिराङ ईन सिन ख्योकोनला छ्याराङ ओत। ख्योकोन काम बात जे कुरोलाङ पाको गालाते मि ओङस्यीत थेमे परमेश्वरगी खेराङला च्यि खि सिका सिन लेमु खाला छ्या स्येला खि साबा च्योकराङ खित्स्यीत सिन दिकी ख्योकोन लाईदु परमेश्वरताङ आउदी खाला प्रार्थना खिदुक।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
परमेश्वरला छ्या स्येबा छोल्कान्ते मिकी परमेश्वर पक्काराङ ओत थेमे थे सु ईन्दे, चुक खिते सिन पक्काराङ खाला छ्या स्येबा छोल्कानला थेकी लेमु खिओ सिन थेला विश्वास खिताराङ फाप्क्यो। होदोकराङ खाला थेला विश्वास खित्कान्ते मि थेला मन परे खिओ। होदोक खाला थेला विश्वास मिक्किकान्ते मिचेन थेला मन परे मिक्किओ।
लेवी थरगी पूजारीओनगी ङेन्ला काम खिता फाप्च्येते नियम विचार खाईन परमेश्वरगी इस्राएलीओनला थे खोरोङ नियम बिन्दा ओतान। पूजारीओनगी थे नियमला साबाच्योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्च्या ईन्सीन पूजारी हारून च्योकराङ मेन्देकी मल्कीसेदेक च्योकराङ ओङला लोक्ला ज्येनज्यीक पूजारी ओङा फाप्च्येते छ्याःङ खाँचो मेतान।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Sanasan