हिब्रू 5:8 - जिरेल

⁸ परमेश्‍वर फुज्‍युङ ईन्‍सीनोङ थेकी भोगे खितासम्‍म दुक्‍पा भोगे खाईन परमेश्‍वरगी खि साबाते ङेन्‍सुङ।

हिब्रू 5:8 Iomraidhean Croise

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

यूहन्‍ना 10:18

ङा ङाराङगीराङ स्‍या सेम माक्‍याबा ईन्‍सीन ङाला सुङगीङ सेता मुथुबो। ङाराङ खुशीकी ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते दि गाङे ङे लाःक्‍तुराङ ओत। ङाला थोक खि सिन आबेकीराङ कोता ओत,” सिन बात खासुङ।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

फिलिप्‍पी 2:8

थे ज्‍येन मि च्‍योकराङ ओङगीन देता ओतान। परमेश्‍वरगी साबा साबा ङेन्‍गीनराङ देत्‍कीन स्‍या फाप्‍जीनोङ थेकी नाइँ साबा मेतान। थोरूम थेलानी मिओनगी स्‍यिङगी थामलाका टाँए खाईन सेता ओतान।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 1:5

परमेश्‍वरगी थेला च्‍योक खाईन थे खोरोङ दूतओन नाङ सुङलाङ नोमुङ “खो ङे फुज्‍युङ ईन, थरिङमेई ङा खुई आबा ईन,” सिन साबा मिन्‍दुक। थेमे “ङा थे आबा ईन, थेचेन ङे फुज्‍युङ ईन,” सिनोङ साबा मिन्‍दुक।

हिब्रू 1:8

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बातचेन परमेश्‍वर बातला “परमेश्‍वर, खो सधैँभरि राज्‍य खिनराङ देत्‍क्‍यो। खुई सुङलाङ थिचोमिचो मिक्‍किता खाला लेमु खाला राज्‍य खिओ।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।