हिब्रू 5:7 - जिरेल

⁷ दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

हिब्रू 5:7 Iomraidhean Croise

मत्ती 27:46

थेमे तीन बजे नाङपा येशूकी कस्‍स्‍ये खाईन “एली, एली, लामा सबखथनी?” सिन सासुङ। दोक साबाते “ए परमेश्‍वर, ए परमेश्‍वर, खो ङात्ताङ थाल्‍ला च्‍यिला ठाले?” साबाते ईन।

मत्ती 27:50

थेमे येशू लोईन कस्‍स्‍ये खाईन छेरा खाईन ग्‍याङ स्‍यिसुङ।

मर्कूस 15:34

थेमे तीन बजेला येशूकी कस्‍स्‍ये खाईन “इलोई, इलोई, लामा सबखथनी?” सिन सासुङ। दोक साबाते “ए परमेश्‍वर, ए परमेश्‍वर, खो ङात्ताङ थाल्‍ला च्‍यिला ठाले?” साबाते ईन।

मर्कूस 15:37

थेमे येशू लोईन कस्‍स्‍ये खाईन छेरा खाईन ग्‍याङ स्‍यिसुङ।

लूका 23:46

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 11:35

थेमे येशू ङुसुङ।

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 10:10

दोक खाईन स्‍यिइन येशू ख्रीष्‍टकी परमेश्‍वरगी खिता चालाच्‍योक खाबा ओत। था लोक्‍ला नोमुङ दोक खिता माफाप्‍च्‍या खाईन थेकी थे खोरोङ ज्‍यानराङ बिन्‍गीन स्‍यिइन ङुरूङ सेम खुदुक जोबा ओत।

हिब्रू 10:5

थोक ईन्‍देकीराङ देमा वाकीन ख्रीष्‍टकी परमेश्‍वरताङ बात खिन “मिओनगी भोग बिन्‍दातेताङ चढे खाबाते परमेश्‍वर खोल्‍ला छ्याःङ मोगोओ। खुई ङाला मि जुनी लाकीन दुरू केर च्‍युताते ईन।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

१ यूहन्‍ना 4:3

दि बात मेन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते मेन। थोक्‍ते मिनी ख्रीष्‍टला विरोध खित्‍कान्‍ते मिकी सिर च्‍युताते बात लोप्‍कान्‍ते ईन। ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थे मि थरिङोला दि सा लुङबादु वाकीन सिन्‍दाङ ओत।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।