हिब्रू 5:3 - जिरेल

³ थोगीराङ ज्‍येनगी लाईदुकामा मेन्‍देकी थे खोरोङगी खाबाते पाप माफ नाङ सिराला थेकीङ परमेश्‍वरला भोग तेरा फाप्‍क्‍यो।

हिब्रू 5:3 Iomraidhean Croise

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

हिब्रू 10:12

तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 7:27

गाङे भन्‍दा छ्येते पूजारीओन ज्‍येनगी ङीमे ठाङमा गोमा खोपरोङ पाप माफ नाङ सिराला थेमेकामा ज्‍येन मि पाप माफ नाङ सिराला भोग तेरा फापाच्‍योक खाला येशूकीचेन दोक खिता माफाबो। मि पाप माफ ओङाला भोग तेराच्‍योक खाईन थेचेन थे खोरोङ ज्‍यानराङ बिन्‍गीन स्‍यिसुङ। दोक खाईन मि पाप माफ ओङच्‍येते काम बाजिईला खाईन सिन्‍देकी था थेकी नोमुङ दोक खिता माफाबो।

हिब्रू 9:7

ईन्‍सीनोङ थे फारनापे कोठे नाङचेन गाङे भन्‍दा छ्येते पूजारीकामा लोईते बाजिई स्‍यूक्‍पा ङेत्‍कीन ओतान। थे लाक्‍तुङ भोग बिन्‍दाते ठाक माखुराला थेङ थे कोठे नाङ स्‍यूगीन मेतान। थे कोठे नाङ स्‍यूला थेकी थे खोरोङ पाप थेमे ज्‍येनगी दोक खाबातेनी पाप खाबातेका ईन सिन छ्या मेस्‍येबा खाईन खाबाते पाप माफ नाङ सिराला थे ठाक परमेश्‍वरला चढे खिन ओतान।