हिब्रू 5:2 - जिरेल

² थे खोरोङोङ दाक पाप खिता थुप्‍कान्‍ते ईन्‍देकी दोक खाबातेनी पाप खाबाते ईन्‍दासीन सिन छ्या मेस्‍येकानला थेमे मेलेबा काम खित्‍कानला थेकी खा छ्येत लेमु खाला लोपा कोता थुप्‍क्‍यो।

हिब्रू 5:2 Iomraidhean Croise

लूका 22:32

तर ज्‍यीबा माकेत शिमोन। शैतानगी लुजीन खुई ङाला विश्‍वास खिता मोतोङस्‍यीत सिन ङे परमेश्‍वरला प्रार्थना खाबाप। था खोरोङ याङराङ ङे छ्य्‌वापा लै खानामेई दुरू खोरोङताङ ओताते आज्‍यो न्‍वाओनला ङाला विश्‍वास खिन देताला आँट बिन,” सिन सिदुक।

२ कोरिन्‍थी 11:30

ङा दोक्‍ते मि ईन, ङे दोक खिता थुप्‍क्‍यो सिन ङे छ्ये खित्‍च्‍येते बात छ्याःङ मेत। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

२ कोरिन्‍थी 12:5

थे मिकी स्‍वर्गने च्‍यि च्‍यि थोङसुङा, चुक्‍तेन्‍दे बात थोसुङा सिन बात खिन छ्ये खिता थुप्‍क्‍यो। तर ङा ङाराङगी थोङातेताङ थोबाते थोक्‍ते बात खाला छ्ये मिक्‍किओ। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

गलाती 4:13

चुक सासीन ङाराङ नाबा ओतेकी खित्‍सादु ङे गोमे पालोला ख्‍योकोन ओत्‍सापा वाकीन गा लाङच्‍येते बात लाप्‍कीन बिन्‍दा ओतान सिन ख्‍योकोनगी टोक ज्‍येता मेतासीन।

एफिसी 4:18

खोबा थुप्‍च्‍या ओत्‍सीनोङ परमेश्‍वर सु ईन्‍दे, च्‍यि काम खिते सिरच्‍येते बात छ्याःङ खोबा माचालेकी थेबा छ्याःङ खोबा मुथुप्‍च्‍या गाल्‍सुङ। थेमे परमेश्‍वरगी तेरच्‍येते जुनी थेबेकी मेङेत्‍च्‍या ओङसुङ।

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।

हिब्रू 12:13

बत्ते खित्‍जीन गले खाबाते मि दाक्‍पोन मिरिल्‍स्‍यीत सिन सोझोते लामला छ्योङाच्‍योक खाला खेराङ लेपा फाप्‍सासाक लेपा थुप्‍स्‍यीत सिन ख्‍योकोनगीङ थे छ्य्‌वापाकामा स्‍येत खि।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 2:18

शैतानगी परी परी खाला लुला पाप खित ज्‍युता छोल्‍जीन थे खोरोङगी आउदी दुक्‍पा भोगे खाबा ओतान। थोगी खित्‍सादु शैतानगी मिला लुला पाप खित ज्‍युता छोल्‍जीन थोक्‍ते मिला येशूकी पाप खिता माफाप्‍च्‍येते शक्ति तेरग्‍यो।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।

हिब्रू 7:28

परमेश्‍वरगी बिन्‍दाते नियम अनुसार छाने खित्‍च्‍येते गाङे भन्‍दा छ्येते पूजारीचेन परमेश्‍वरगी खि साबा च्‍योकराङ खिता मुथुप्‍कान दाक पाप खिता थुप्‍कान्‍ते मि ओङगो। तर थे नियम बिन्‍नामेई तिरीचेन परमेश्‍वरगी ना क्‍याल्‍गीन थे खोरोङ फुज्‍युङला गाङे भन्‍दा छ्येते पूजारी छाने खाबा ओत। थेकीचेन परमेश्‍वरगी खि साबाते जति गाङे सधैँभरि लाईदु पूरो खाबा ओत।

हिब्रू 9:7

ईन्‍सीनोङ थे फारनापे कोठे नाङचेन गाङे भन्‍दा छ्येते पूजारीकामा लोईते बाजिई स्‍यूक्‍पा ङेत्‍कीन ओतान। थे लाक्‍तुङ भोग बिन्‍दाते ठाक माखुराला थेङ थे कोठे नाङ स्‍यूगीन मेतान। थे कोठे नाङ स्‍यूला थेकी थे खोरोङ पाप थेमे ज्‍येनगी दोक खाबातेनी पाप खाबातेका ईन सिन छ्या मेस्‍येबा खाईन खाबाते पाप माफ नाङ सिराला थे ठाक परमेश्‍वरला चढे खिन ओतान।

याकूब 5:19

थेमे आज्‍यो न्‍वावे, ख्‍योकोन नाङ सुइँदेकी सत्‍यते बात ङेन्‍दा ताङसुङ थेमे ख्‍योकोन ज्‍येनज्‍यीगी थेला लोक्‍ला परमेश्‍वर छ्य्‌वापाराङ लै खित च्‍युत्‍सुङ सासीन

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।