हिब्रू 5:1 - जिरेल

¹ जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 5:1 Iomraidhean Croise

रोमी 15:17

ङे येशू ख्रीष्‍टताङ जीउज्‍यीकराङ ओङगीन परमेश्‍वरगी ङाराङला खि साबाते काम खाबेकी खित्‍सादु ङा गा खिता ङेत्‍क्‍यो।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

हिब्रू 10:11

ङीमे ठाङमा खोपरोङला खि साबा ओता च्‍योकराङ खाला पूजारी गाङेकी लाला देत्‍ला पशुराङ पशु भोग तेरगीन देत्‍सीनोङ नोमुङ सुङ मि पाप माफ ओङा थुपा मेतान।

हिब्रू 10:12

तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 11:4

हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 7:27

गाङे भन्‍दा छ्येते पूजारीओन ज्‍येनगी ङीमे ठाङमा गोमा खोपरोङ पाप माफ नाङ सिराला थेमेकामा ज्‍येन मि पाप माफ नाङ सिराला भोग तेरा फापाच्‍योक खाला येशूकीचेन दोक खिता माफाबो। मि पाप माफ ओङाला भोग तेराच्‍योक खाईन थेचेन थे खोरोङ ज्‍यानराङ बिन्‍गीन स्‍यिसुङ। दोक खाईन मि पाप माफ ओङच्‍येते काम बाजिईला खाईन सिन्‍देकी था थेकी नोमुङ दोक खिता माफाबो।

हिब्रू 8:3

परमेश्‍वरला चढे खिता फाप्‍च्‍येतेबा चढे खिताला थेमे भोग तेरालाराङ गाङे भन्‍दा छ्येते पूजारी छाने खाबा ओङगो। थोगी ङुरूङते गाङे भन्‍दा छ्येते पूजारीकीङ परमेश्‍वरला खइँदा चढे खिता थेमे भोग तेरा फाप्‍क्‍यो।

हिब्रू 8:4

स्‍वर्गने मेन्‍गीन थेङ दुरू ओता ईन्‍सीन थेकी पूजारी काम खिता ङेत्‍च्‍या मेतान। मोशेकी टिबाते परमेश्‍वर नियमला साबा ओताच्‍योक खाला दुरू काम खित्‍कान्‍ते पूजारीओननी ओत्‍कीन ओत।

हिब्रू 9:9

थे गोमे कोठाताङ थे नाङ खित्‍च्‍येते गाङे कामगी विचार खित्‍जीन ङुरूङगी थरिङोला दि बातज्‍यीक लेमु खाला खोबा थुप्‍कीदुक। च्‍यि सासीन परमेश्‍वरला जे चढे खासीनोङ, भोग बिन्‍सीनोङ सुङ मि था ईन्‍सीन ङे पाप पूरो खाईन पाप ओङसुङ सिराच्‍योक खाईन ढुक्‍क खाईन देता थुपा मेतान।