हिब्रू 4:9 - जिरेल

⁹ थोगी बात च्‍यिन्‍दे सासीन परमेश्‍वरगी थे खोरोङ मिओनला देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो साबाते कामनी थाका पूरो खिओ।

हिब्रू 4:9 Iomraidhean Croise

मत्ती 1:21

था थेकी फुज्‍युङज्‍यीक केइओ। खुई थे मिन येशू सिन स्‍योक। च्‍यिला सासीन थेकीराङ थे खोरोङ मिओनला थेबे पापदुकी डेल्‍ग्‍यो,” सिन बात खासुङ।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 11:25

परमेश्‍वरला विश्‍वास मिक्‍किकान्‍ते मिओनताङ टिक्‍पी दिन किम्‍मु खाला ङ्योम्‍बु देत्‍ला पाप खिता भन्‍दा थेलाचेन परमेश्‍वरगी छाने खाबाते मिओनताङ दुक्‍पा खपे खिताराङ लेमु लासुङ।

हिब्रू 3:11

थेमे ङाला स्‍येदाङ लाबेकी ङे ‘ङा दिबाला ङाराङगी देत ज्‍युता चालाच्‍योक खाला ढुक्‍क खाला देतराङ मुज्‍युदो,’ सिन ना क्‍यालाप,” सिन साबाते बादोङ टिला दुक।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

हिब्रू 4:10

थे खोरोङगी ज्‍वा फाप्‍च्‍येते गाङे जोकीन सिन्‍नामेई ङीमा दुईनगी छोमुचेन परमेश्‍वर दोक्‍ते जोच्‍येते छ्याःङ काम मिक्‍किता खाईन देता ओतान। थेकी देत ज्‍युता चालाच्‍योक खाईन ढुक्‍क खाईन देत च्‍युताते मिकीङ था थे खोरोङगी खिता फाप्‍च्‍येते काम जति खाईन सिन्‍गीन ङा सोबाच्‍योक खाला देता ङेत्‍क्‍यो।

हिब्रू 4:3

परमेश्‍वरगी चुक साला दुका सासीन “ङाला स्‍येदाङ लाबेकी ङे ‘ङा दिबाला ङाराङगी देत ज्‍युता चालाच्‍योक खाला ढुक्‍क खाला देतराङ मुज्‍युदो,’ सिन ना क्‍यालाप,” सिन साला दुक। ईन्‍सीनोङ थेकी जमान खाबाच्‍योक पक्‍काराङ खिओ सिन ङुरूङगी थेला विश्‍वास खिन देत्‍सीन थेकी ङुरूङलाचेन थे खोरोङगी साबा च्‍योकराङ खाला ढुक्‍क खाला देत ज्‍युत्‍क्‍यो। विचार खित्‍जीन सा नाम जोला सिन्‍जीनराङ परमेश्‍वरगी खिता फाप्‍च्‍येते काम जति खाईन सिन्‍दा ओतान।

हिब्रू 4:8

यहोशूकी इस्राएलीओनला कनान लुङबादु क्‍याल्‍नामेईराङ परमेश्‍वरगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो साबाते जमान पूरो ओङाते ईन्‍दा ईन्‍सीन परमेश्‍वरगी याङराङ “थरिङ दिन” सिन लोक्‍ला ज्‍येन समय तोके खित्‍च्‍या मेतान।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।