हिब्रू 4:2 - जिरेल

² मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

हिब्रू 4:2 Iomraidhean Croise

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 3:26

साबा च्‍योकराङ खाईन ख्‍योकोन गाङेला मेलेबाते कामदुकी टाल्‍ला आशी बिन्‍ला लेमु खिताला परमेश्‍वरगी थे खोरोङ काम खित्‍कान्‍ते येशूला गोमा ख्‍योकोन नाङ ताङाते ईन,” सिन सिदुक।

रोमी 2:25

थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

१ कोरिन्‍थी 13:3

थेमे ङाराङ सम्‍पत्तिबरी छ्याःङ मेताते मिओनला गोकीन बिन्‍सीनोङ थेमे ज्‍येनगी ङाराङला छ्ये मि ईन सिरस्‍यीत सिन ङाराङला मे लै खाईन स्‍यिसीनोङ ङे ज्‍येनला ङिङज्‍ये माक्‍यासुङ सासीन ङे थोक खाबाते ङाला छ्याःङ फाइदा मेङगो।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

गलाती 3:8

ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

गलाती 4:13

चुक सासीन ङाराङ नाबा ओतेकी खित्‍सादु ङे गोमे पालोला ख्‍योकोन ओत्‍सापा वाकीन गा लाङच्‍येते बात लाप्‍कीन बिन्‍दा ओतान सिन ख्‍योकोनगी टोक ज्‍येता मेतासीन।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

हिब्रू 4:6

थाङबो खोपरोङला लापाते गा लाङच्‍येते बात थोकान्‍तेबेकी थे बातला नामज्‍योक मासेतेकीराङ थेबा परमेश्‍वरगी देत ज्‍युता चालाच्‍योक खाईन ढुक्‍क खाईन देता माङेत्‍सुङ। थेबाला थोक ओङा ईन्‍सीनोङ ज्‍येनलाचेन थोरूमोङ परमेश्‍वरगी थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।