हिब्रू 4:11 - जिरेल

¹¹ ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

हिब्रू 4:11 Iomraidhean Croise

मत्ती 11:12

ईन्‍दालाचेन यूहन्‍ना थे खोरोङला परमेश्‍वरगी खि साबाते काम खिताला स्‍यूबा छुरनामेई थरिङसाकराङ स्‍वर्गे राज्‍य विरोध खित्‍कान्‍ते मिओन ओत्‍कीन ओत। थेबाचेन जबरजस्‍ती खाला थे राज्‍यदु स्‍यूक्‍पा छोल्‍गीदुक।

मत्ती 7:13

थेमे स्‍वर्गने डोच्‍येते लामगी गोचेन टेक्‍टेस्‍यिक ओत। थे गोने खाला स्‍यू। सजिलो खाला स्‍यूक्‍पा थुप्‍च्‍येते जोदाते गोचेन नरककुण्‍डमा डोच्‍येते लामगी गो ईन। थे गोदुकी स्‍यूला सजिलो खाला ख्‍याम्‍बा थुप्‍च्‍येते लामला डोकान्‍ते मिचेन काल्‍बेई ओङगो।

लूका 13:24

थेकी थोक सिरजीन येशूकी थेरू ओतातेबा गाङेला “परमेश्‍वर राज्‍यने स्‍यूक्‍च्‍येते गो टेक्‍टेज्‍यीक ओत। मि काल्‍बेईकी थेने स्‍यूक्‍पा चाल्‍सीनोङ गाङेराङ स्‍यूक्‍पा मुथुबो। थे टेक्‍टेते गोने स्‍यूक्‍पाला च्‍यि खिता फाप्‍च्‍या ईन्‍दाका ख्‍योकोनगी थे छ्य्‌वापाकामा स्‍येत खि।

लूका 16:16

ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

शक्ति काम 26:19

थोक खाला स्‍वर्गनेकी वाला ङाला ठेता खित्‍कान्‍ते प्रभु येशूकी खि साबाते बात मेङेन्‍दा खाईन ङानी देताराङ माथुप्‍सुङ सरकार।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

कलस्‍सी 3:6

परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

हिब्रू 3:18

थेमे परमेश्‍वरगी “ङा ख्‍योकोनला ढुक्‍क खाला देता ङेत्‍च्‍येते ङे खेरग्‍यो साबाते लुङबादु खेरराङ मेखेरो,” सिन ना क्‍यालाते च्‍यि थे खोरोङगी लाःपाते मेङेन्‍कान्‍ते होथे मिओनलाराङ मेनरो?

हिब्रू 4:6

थाङबो खोपरोङला लापाते गा लाङच्‍येते बात थोकान्‍तेबेकी थे बातला नामज्‍योक मासेतेकीराङ थेबा परमेश्‍वरगी देत ज्‍युता चालाच्‍योक खाईन ढुक्‍क खाईन देता माङेत्‍सुङ। थेबाला थोक ओङा ईन्‍सीनोङ ज्‍येनलाचेन थोरूमोङ परमेश्‍वरगी थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो।

हिब्रू 6:11

स्‍यि स्‍यिसाकराङ ख्‍योकोन गाङेकी दोकराङ खिन देत्‍स्‍यीत सिरच्‍येते ङ्योकोन सेम ओत। दोक खिनराङ देत्‍सीन परमेश्‍वरगी खेराङला तेरग्‍यो सिन साबातेबा पक्‍काराङ ङेत्‍क्‍यो सिन ख्‍योकोनगी आश खाईन गुकीन देतातेबा गाङे ङेत्‍क्‍यो।

२ पत्रुस 2:6

थेमे परमेश्‍वरगी मे ताङगीन सदोमताङ गमोरा सारला थाला जोबा ओतान। थोक खाईन थेकी थे खोरोङ बात मेङेन्‍कान्‍तेबे गति चुक ओङगीते सिन तेन्‍गीन बिन्‍दा ओतान।