हिब्रू 3:5 - जिरेल

⁵ ईन्‍दानी ईन। च्‍यि सासीन मोशेकी थे खोरोङ काम लेमु खाईन खाबा ओतान। ईन्‍सीनोङ थेचेन सुइँदे खाम्‍बादु काम खित्‍कान्‍ते मि च्‍योक ओतान। थे कामचेन परमेश्‍वरगी तिरी चुक चुक खिते सिन ज्‍येनला लाःप्‍च्‍येते ओतान।

हिब्रू 3:5 Iomraidhean Croise

मत्ती 24:45

थेजीनसाक ख्‍योकोन चुक खिन देता फाप्‍कीते सासीन मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मि च्‍योकराङ ओङा फाप्‍क्‍यो। थोक्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

मत्ती 25:21

थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्‍योकराङ खित्‍कान्‍ते मि दुका। ङे खोल्‍ला चाँदी डबल थोस्‍यिककामा बिन्‍गीन ज्‍याक्‍सीनोङ खुई थे लेमु खाईन चले खाबेकी था ङा खोल्‍ला झन थे भन्‍दाङ काल्‍बेई पैसे जिम्‍मा तेरग्‍यो। था खो ङा च्‍योकराङ गा खिन ङात्ताङ ङ्योम्‍बुराङ देता ङेत्‍क्‍यो,’ सिन सादुक्‍लो।

लूका 12:42

थेमे प्रभु येशूकी “मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 7:37

थेमे थेकीराङ इस्राएलीओनला ‘था तिरी प्रभु परमेश्‍वरगी ङा च्‍योकराङ परमेश्‍वर बात खित्‍कान्‍ते मिज्‍यीक तोङगो। थेलाचेन ख्‍योकोन नाङदुईराङ छाने खिओ,’ सिन साबा ओतान।

रोमी 3:21

बात दोक ईन्‍सीनोङ थाचेन परमेश्‍वर नियम बात मिक्‍किता खालाराङ परमेश्‍वरगी चुक खाला मिओनला दोषी मेन सिते सिरच्‍येते बात छ्या स्‍ये च्‍युत्‍कीन बिन्‍दा ओत। थेकी मिओनला चुक खाला थोक्‍ते मि ईन सिते सिरच्‍येते बातचेन परमेश्‍वर नियमला थेमे परमेश्‍वर बात खित्‍कान्‍ते मिओनगी टिबाते बातलाङ साबा ओतान।

१ कोरिन्‍थी 4:2

तर दाक्‍पोनला जिम्‍मा बिन्‍दाते काम खित्‍कान्‍ते मिकी थे काम जिम्‍मा तेरकान्‍तेकी खि साबा च्‍योकराङ खाला खिता फाप्‍क्‍यो।

१ तिमोथी 1:12

थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 3:2

परमेश्‍वरगी थे खोरोङ मि ईन सिन साबाते इस्राएलीओन नाङ काम खित्‍जीन थे खोरोङला खि साबाते काम मोशेकी लेमु खाईन खाबा ओतान। थेकी च्‍योकराङ येशूकीङ थे खोरोङला छाने खाला तोङकान्‍ते परमेश्‍वरगी खि साबा साबा च्‍योकराङ खासुङ।

हिब्रू 3:4

सुइँदा जोकान मेताला थाराङ खाम्‍बा मेङगो। ओताते जति जोकान्‍ते परमेश्‍वरराङ ईन।

हिब्रू 8:5

दुरू पूजारीओनगी काम खित्‍च्‍येते ठाउँनी स्‍वर्गने ओताते ठाउँकी नक्‍कलकामा ईन। थोगीराङ मोशेकी परमेश्‍वरला देताला सिन पाल जोजीन परमेश्‍वरगी थेला “खुई ङा देत्‍च्‍येते पाल जोजीन गाङे ङे खोल्‍ला सीनै बोमदु तेन्‍गीन बिन्‍दा ओता च्‍योकराङ खाला जो,” सिन साबा ओतान।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।