हिब्रू 3:3 - जिरेल

³ ईन्‍सीनोङ खाम्‍बे बात खित्‍जीन मिओनगी खाम्‍बेते भन्‍दा फलानेकी चुक लेमु खाईन खाम्‍बा जोका सिन थे खाम्‍बा जोकान्‍ते मि बात खाबा च्‍योकराङ मोशाला भन्‍दा काल्‍बा मान खिता फाप्‍च्‍येते येशूलाराङ ईन।

हिब्रू 3:3 Iomraidhean Croise

मत्ती 16:18

पत्रुस, खुई मिनगी अर्थ दो साबाते ईन। थोगी ङा खोल्‍ला च्‍यि सिते सासीन दोई जगी लाक्‍तु खाम्‍बा ज्‍वा च्‍योकराङ ङाङ ङाराङ मिओन खुई छ्य्‌वापेकीराङ ओङ ज्‍युत्‍क्‍यो। थेमे थेबाला शैतानगीङ ग्‍याल्‍ला नरककुण्‍डमा लुबा मुथुबो।

१ कोरिन्‍थी 3:9

ङ्योकोनचेन परमेश्‍वरताङ डिक्‍ला काम खित्‍कान्‍ते ईन। थेमे ख्‍योकोनचेन परमेश्‍वर स्‍यीङ च्‍योक्‍ते ईन। दोस्‍यिककामा मेन, ख्‍योकोननी परमेश्‍वरगी जोइन ओताते खाम्‍बाराङ ईन।

२ कोरिन्‍थी 3:7

दोई पाटीला खोपे खाईन टिबाते होथे नियम पाटीओन परमेश्‍वरगी थे खोरोङला तेरजीन थेत्ताङ बात खाबेकी परमेश्‍वर झिलिमिली नाम्‍दाककी खित्‍सादु मोशे छ्येत आउदी खाला टल्‍के खित्‍च्‍या गाला ओतान। थेते थोक खाला टल्‍के खित्‍च्‍येते छ्येतकी टाक घटे खाला डुइन ओत्‍सीनोङ ज्‍यीबेकी इस्राएलीओनगी मोशे छ्येत ता थुप्‍कीन मेतान। थेरू साबा च्‍योकराङ माक्‍यासीन पापकी सजाय ङेत्‍ला स्‍यिइओ सिन टिबा ओताते थे नियम तेरजीननी परमेश्‍वरते थोक आउदी झिलिमिली मिओनगी थोङा थुपा ओतान सासीन

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

हिब्रू 3:4

सुइँदा जोकान मेताला थाराङ खाम्‍बा मेङगो। ओताते जति जोकान्‍ते परमेश्‍वरराङ ईन।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।