हिब्रू 2:9 - जिरेल

⁹ तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

हिब्रू 2:9 Iomraidhean Croise

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 6:28

थेमे लोक्‍ला च्‍यि खोन्‍च्‍ये सिन च्‍यिला पीर खिते? पाङगी नाङला फोङा ओताते लिली मेन्‍दोकलाराङ तो। दि मेन्‍दोकतेबा थोई लेमु दुका। मिकी दुक्‍पा खाला खोलाक खोन्‍दाच्‍योक लेमु ओङाला दि मेन्‍दोककी छ्याःङ खिता माफाबो।

मर्कूस 9:1

येशूकी थोरूमोङ “ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वरगी छ्येज्‍यीक शक्तिकी राज्‍य खिताला स्‍यूबाते थोङलाकामा स्‍यिइओ,” सिन सिदुक।

लूका 9:27

ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर राज्‍य थोङलाकामा स्‍यिइओ,” सिन सिदुक।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 10:17

ङा ङाराङ खुशीकी मिओन लाईदु ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते ईन्‍देकी आबेकी ङाला ङिङज्‍ये खिओ।

यूहन्‍ना 12:32

थेमे ङाला स्‍यिङगी थामला टाँए खानामेई ङा मि गाङेला ङाराङ छ्य्‌वापा ओङ ज्‍युत्‍क्‍यो,” सिन सिदुक।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

रोमी 5:18

थोगी चुक ओङसुङा सासीन मिज्‍यीगी परमेश्‍वरगी माकेत साबाते काम खाबेकी खित्‍सादु मि गाङेकी सजाय ङेत्‍कीन स्‍या फापाते ईन। लोक्‍ला ज्‍येनज्‍यीगी परमेश्‍वरगी खि साबा च्‍योकराङ खाबेकी खित्‍सादुचेन मि गाङेकी पापकी सजायदुकी ठाल्‍ला नोमुङ मिसिन्‍च्‍येते जुनी ङेत्‍च्‍येते ईन।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

२ कोरिन्‍थी 5:15

मि गाङे लाईदु थे स्‍याप्‍ते ईन्‍देकी नोमुङ मिसिन्‍च्‍येते जुनी ङेताते मिओनगी था दाक्‍पोन खुशी खिता मेङगो। बरू थे थोक खाईन खोपरोङ लाईदु स्‍या ओतान थेमे परमेश्‍वरगी थेला सोम्‍बो लोक्‍पा ओतान सिन टोक मेज्‍येता खाला थेला मन परे खित्‍च्‍येते काम खिता फाप्‍क्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

१ तिमोथी 2:6

मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

हिब्रू 1:9

खोल्‍ला लेमुते काम मन परे खिओ। मेलेबा काम सिरातेचेन खोल्‍ला गाराङ मालाङो। थोगीराङ खोल्‍ला खुई परमेश्‍वरगी खोरोङ र्‍वाओन भन्‍दा झन काल्‍बा गा खिन देताला छाने खाबाते ईन,” सिन साला दुक।

हिब्रू 10:5

थोक ईन्‍देकीराङ देमा वाकीन ख्रीष्‍टकी परमेश्‍वरताङ बात खिन “मिओनगी भोग बिन्‍दातेताङ चढे खाबाते परमेश्‍वर खोल्‍ला छ्याःङ मोगोओ। खुई ङाला मि जुनी लाकीन दुरू केर च्‍युताते ईन।

हिब्रू 11:5

थे खोरोङला विश्‍वास खित्‍कान्‍ते ईन्‍देकी परमेश्‍वरगी हनोकला मास्‍यिबालाराङ स्‍वर्गने खेरा ओतान। परमेश्‍वरगी स्‍वर्गने खेराते ईन्‍देकी थे खापा गाल्‍ताका सिन गाङेपा चाल्‍सीनोङ मिओनगी थेला थेपा मेतान। थेला थोक खाला स्‍वर्गने खेरा भन्‍दा गोमा परमेश्‍वरगी हनोकचेन थे खोरोङला मन परे खित्‍च्‍येते काम खित्‍कान्‍ते मि ईन सिन साबा ओतान।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 2:7

टिक्‍पी दिनगी लाईदु खुई थेला खोरोङ दूतओनला छेदोङ मान बिन्‍दा मेतान। खुई थेला छ्येज्‍यीक शक्तिताङ मान बिन्‍दा ओत।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

हिब्रू 8:3

परमेश्‍वरला चढे खिता फाप्‍च्‍येतेबा चढे खिताला थेमे भोग तेरालाराङ गाङे भन्‍दा छ्येते पूजारी छाने खाबा ओङगो। थोगी ङुरूङते गाङे भन्‍दा छ्येते पूजारीकीङ परमेश्‍वरला खइँदा चढे खिता थेमे भोग तेरा फाप्‍क्‍यो।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

छ्या स्‍ये च्‍युताते बात 19:12

थेते मिक मे च्‍येला च्‍योकराङ टल्‍के खित्‍च्‍येतेन्‍दे ओतान। थेमे थेकी आउदी काल्‍बेई श्रीपेज खोन्‍दा ओतान। थेते टालाला मिनज्‍यीक टिबा ओतान। थे मिन च्‍यि ईन्‍दे सिन थे खोरोङलाकामा छ्या ओतान।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,