हिब्रू 2:6 - जिरेल

⁶ बरू मि बात खित्‍जीन सुइँदेकी परमेश्‍वर बातला ठाउँज्‍यीक्‍तु च्‍यि साला दुका सासीन “मि जाबाङ परमेश्‍वर खुई दोन्‍दु सु ईन्‍देरो? दोक ईन्‍सीनोङ खुई थेला रकस्‍यिकोङ टोक मेज्‍येदो।

हिब्रू 2:6 Iomraidhean Croise

लूका 1:68

“था ङुरूङ इस्राएली गाङेराङ प्रभु परमेश्‍वरते जय जय खिइ। थेचेन थे खोरोङगी छाने खाबाते मि ङुरूङला दुक्‍पादुकी टाल्‍ला लेमु खित्‍कान्‍ते ईन।

लूका 1:78

परमेश्‍वर साँच्‍चीराङ आउदी दया खित्‍कान्‍ते ईन। था थेकी मुन्‍दाकदुकी डेल्‍कान्‍तेला स्‍वर्गनेकी ङुरूङ ओत्‍सामा तोङगो। थे देमा वानामेईचेन ङीमा स्‍यारा च्‍योकराङ ओङगो।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

१ थिस्‍सलोनिकी 4:6

थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

हिब्रू 4:4

च्‍यिला सासीन सन्‍चारी बात खित्‍जीन परमेश्‍वर बातला ठाउँज्‍यीक्‍तु “परमेश्‍वरगी ज्‍वा फाप्‍च्‍येते गाङे जोकीन सिन्‍नामेकी ङीमा दुईनगी छोमुचेन थेकी दोक्‍ते जोच्‍येते छ्याःङ काम माक्‍यासुङ,” सिन टिला दुक।

हिब्रू 5:6

परमेश्‍वर बातलाराङ ज्‍येन ठाउँज्‍यीक्‍तु परमेश्‍वरगी “खो मल्‍कीसेदेक च्‍योक्‍ते पूजारी ईन। खोचेन सधैँभरि पूजारी ओङला देत्‍क्‍यो,” सिनोङ साला दुक।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।