हिब्रू 2:4 - जिरेल

⁴ थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

हिब्रू 2:4 Iomraidhean Croise

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

एफिसी 1:5

थेजीनराङ थेकी येशू ख्रीष्‍टकी खित्‍च्‍येते कामगी खित्‍सादु ङुरूङला थे खोरोङ धर्म-पुत्र जोइओ सिन साबा ओतान। थे खोरोङगी थोक खिता सेम खाबेकीराङ परमेश्‍वरगी दोक दोक खाबा ओतान।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

एफिसी 4:7

थेमे ख्रीष्‍टकी ङुरूङ सु सुला चुक्‍ते सीपताङ शक्ति तेरच्‍ये सिन टुङ्गो खाईन ङुरूङ गाङेला खुदुक खुदुकते काम खित्‍च्‍येते सीपताङ शक्ति बिन्‍दा ओत।

हिब्रू 6:4

थेमे दि बात टोक माज्‍येत। च्‍यि सासीन परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओताते, परमेश्‍वरगी खोपरोङला ताला जेसुकै लेमु ओङ ज्‍युत्‍क्‍यो सिरच्‍येते बात खोबा ओताते, परमेश्‍वर आत्‍मा ङेता ओताते,