हिब्रू 2:3 - जिरेल

³ थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 2:3 Iomraidhean Croise

मत्ती 23:33

छ्यि ख्‍योकोन ङोचा क्‍ये मेतातेबा, था तिरी परमेश्‍वरगी नरककुण्‍डमा लुच्‍येते सजायदुकी चुक खाला उम्‍के खिता थुबोङ साबे? थे सजायदुकी ख्‍योकोननी थारराङ माथारो।

मत्ती 4:17

कफर्नहुमपा गाल्‍नामेई येशूकी मिओनला “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन गा लाङच्‍येते बात लोपाला स्‍यूसुङ।

मर्कूस 1:14

तिरी यूहन्‍नाला जेलला लुक्‍नामेई येशू गालील अञ्‍चलपा गाल्‍सुङ। थेमे थेरू मिओनला परमेश्‍वरते गा लाङच्‍येते बात लोपाला स्‍यूसुङ।

लूका 1:2

थेबेकी टिबाते बातचेन नाम चुक ओङाते ईन्‍दे, चुक्‍ते ईन्‍दे सिन शुरूमेई थोङकान्‍तेताङ थोकान्‍ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्‍कीन बिन्‍दा ओत। थे मिओनचेन होदि बातओन लोपालाराङ खटे खाबाते ईन।

लूका 1:69

ङुरूङला पापताङ दुक्‍पादुकी डेलाला प्रभु परमेश्‍वरगी छ्येज्‍यीक शक्ति ओतातेला ङुरूङ ओत्‍सामा ताङा ओत। थेला थेकी थे खोरोङला माने खित्‍कान्‍ते गेल्‍बो दाऊद सन्‍तान नाङदुईराङ छाने खाबा ओत।

लूका 24:19

थेकी “च्‍यि बात साबे?” सिन ठिसुङ। थेमे थेबेकी “नासरतपे येशू बात च्‍यिन्‍दे। थेचेन परमेश्‍वर बात खित्‍कान्‍ते मि ओतान। परमेश्‍वर थेत्ताङ ङ्योम्‍बु ओतेकी थेकी मि गाङे दोन्‍दु आउदी अचम्‍बतेन्‍दे कामताङ बात खाबा ओतान।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

रोमी 11:14

च्‍यिला सासीन ङे ज्‍येन ज्‍येन जातकी मि नाङ दि काम खित्‍जीन परमेश्‍वरगी थेबालाका लेमु खाबा थोङला ङेराङ जातकी मिओनला स्‍येदाङ लाङस्‍यीत। थोक ओङला थेबा दोक्‍पोई ङिकीकामा ईन्‍सीनोङ गा लाङच्‍येते बात ङेन्‍ला परमेश्‍वरगी तेरच्‍येते पापकी सजायदुकी थारस्‍यीत सिरच्‍येते ङेते सेम ओत।

रोमी 2:3

दि बात छ्या ओत्‍लाङ ज्‍येनलाचेन पापी ईन सिन साला थेबेकी च्‍योक्‍ते मेलेबाते कामराङ खित्‍कान्‍ते ख्‍योकोन खेराङगीचेन सजाय मेङेदो सिन चुक खाला विचार खिते? परमेश्‍वर सजायदुकी ख्‍योकोनोङ उम्‍केराङ मिक्‍किओ।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

१ थिस्‍सलोनिकी 5:3

मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।

यहूदा 1:17

ङिङज्‍येते आज्‍यो न्‍वावे, ख्‍योकोनगी ङुरूङ प्रभु येशू ख्रीष्‍टकी खटे खाबाते मिओनगी खेराङला गोमाबा साबाते बाततेबा ठेम्‍बा खि।

छ्या स्‍ये च्‍युताते बात 7:10

थेमे थेबा आउदी छेरा खाला खाला “मिला पापकी सजायदुकी डेल्‍कान्‍तेचेन सिंहासन लाक देत्‍कान्‍ते ङुरूङ परमेश्‍वर थेमे लुई रीउ ईन,” सिन ओतान।