हिब्रू 2:2 - जिरेल

² परमेश्‍वरगी थे खोरोङ दूतओन छ्य्‌वापेकी ङुरूङ ज्‍युज्‍यु पुर्खेकी ङेन्‍दा फाप्‍च्‍येते नियम बिन्‍दा ओतान। थेमे थे नियम मेङेन्‍कानगी सजाय ङेत्‍क्‍यो सिन साबा ओतान। थे नियमला माकेत साबाते कामज्‍यीककामा खासीनोङ थेमे थेरू खि साबाते बातज्‍यीककामा माङेन्‍सीनोङ थोक खित्‍कान्‍ते मिओनगी परमेश्‍वरगी साबा च्‍योकराङ खाईन सजाय ङेता ओतान।

हिब्रू 2:2 Iomraidhean Croise

शक्ति काम 7:53

परमेश्‍वरगी ख्‍योकोनला थे खोरोङ दूतकी छ्य्‌वापेई थे खोरोङ नियम बिन्‍दा ओतान। नियम ङेत्‍सीनोङ ख्‍योकोनगी थे नियमतेबा ङेनराङ माङेन्‍सुङ,” सिन सिदुक।

गलाती 3:19

थोक ईन्‍सीन परमेश्‍वरगी थे खोरोङ नियम च्‍यिला बिन्‍ताका ओना सिरच्‍येते बादोङ थेन्‍ग्‍यो। थे नियमचेन पाप खित्‍च्‍या सिराते च्‍यि ईन्‍दे थेमे चुक खिता मेङते सिन छ्या स्‍येस्‍यीत सिन टिक्‍पी दिनगी लाईदुकामा बिन्‍दा ओतान। थे खोरोङगी आशी तेरग्‍यो सिन अब्राहामताङ जमान खाबाते अब्राहाम सन्‍तान ओङ ओङसाकलाकामा सिन थे नियम बिन्‍दा ओतान। यहूदीओनला ङेन सि सिन थे नियमचेन परमेश्‍वरगी थे खोरोङ दूतओन लाःकनापेकी मिज्‍यीकला बिन्‍दा ओतान।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 10:28

मोशेकी टिबाते परमेश्‍वर नियम माङेन्‍गीन सुइँदेकी गल्‍ती खासीन थेमे दि मिकी दोक दोक खाबाते ङेराङ थोङाप सिन मेन्‍दा ङि सुमगी मि रूसादु सानामेई गल्‍ती खित्‍कान्‍ते मिला छ्याःङ दया मिक्‍किता खाला दाक सेत्‍क्‍यो।

हिब्रू 10:35

दि बाततेबा सम्‍झे खाला सेम मेसेता खाला ख्‍योकोन थोरूमोङ होथोकराङ खिन देत। थोक खिनराङ देत्‍सीन परमेश्‍वरगी ख्‍योकोनला छ्येज्‍यीक इनाम तेरग्‍यो।

हिब्रू 11:26

मिश्रे लुङबे सम्‍पत्ति धनी ओङनामेई ङेत्‍च्‍येते मान भन्‍दा ख्रीष्‍टला विश्‍वास खानामेई ज्‍येनगी मिगी थोङसार्मु खित्‍च्‍येते बातराङ थेला लेमु लासुङ। च्‍यिला सासीन ज्‍येनतोक्‍ते मेन्‍देकी थेकी परमेश्‍वरगी तिरी थे खोरोङला तेरच्‍येते मानगी विचारकामा खाबा ओतान।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

२ पत्रुस 1:19

ङ्योकोनगी थोङातेताङ थोबाते होथे बात ताला परमेश्‍वर बात खित्‍कान्‍तेबेकी गोमाका साबा ओताते बाततेबा पक्‍काराङ ईन सिन सिरा थुप्‍क्‍यो। थेबेकी साबाते बातओन ङेन्‍गीन देत। दोक खासीन बत्ती पारनामेकी नाम्‍दाक ओङाच्‍योक खाला खेराङगी खोबा फाप्‍च्‍येते बाततेबा लेमु खाला खोबा थुप्‍क्‍यो। येशू ख्रीष्‍ट ग्‍युरगीन मावाथुप ख्‍योकोनगी दि बाततेबा ङेन्‍गीन देत। थेचेन ङोमु पाखाला स्‍यारच्‍येते कार्मा ईन।

यहूदा 1:5

परमेश्‍वरगी थे खोरोङ मिओनला मिश्रे लुङबादुकी दुक्‍पादुकी टाल्‍गीन खुलाबा ओतान तर थे खोरोङ बात ङेन्‍दा तोङकान्‍तेबाला तिरी सजाय बिन्‍गीन सेता ओतान सिन ख्‍योकोनला छ्याराङ ओत। ईन्‍सीनोङ दि बाततेबा ङा ख्‍योकोनला ठेम्‍बा लाङस्‍यीत सिन खिन ओत।