हिब्रू 2:16 - जिरेल

¹⁶ थेकी कालगी ज्‍यीबादुकी टालाते परमेश्‍वर दूतओनला मेन, अब्राहाम सखा सन्‍तानला ईन।

हिब्रू 2:16 Iomraidhean Croise

रोमी 2:25

थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

हिब्रू 12:10

ङुरूङगी लेमु मेलेबा डेला थुप्‍च्‍या मागालथुप टिक्‍पी दिनकामा आबाबेकी ङुरूङला ताला लुक्‍पा ओतान। थेबेकीचेन खोपरोङगी थुपासम्‍म लेमु खिताला ङुरूङला ताला लुकीन ओतान। परमेश्‍वरगीचेन ङुरूङ सेम खुदुक जोला थे खोरोङ च्‍योकराङ मेलेबाते कामताङ बात छ्याःङ मिक्‍किस्‍यीत सिन ङुरूङला लेमु ओङाला ताला लुच्‍येते ईन।

हिब्रू 2:15

था ङीमाई दाक स्‍यिइओ सिन मिओनगी जुनी खाङ कालगी ज्‍यीबा खुरगीन देता फापा ओतान। येशूकी थोक खाईन शैतानला ग्‍याला ओतेकी था मिओनगी कालताङ ज्‍यीबा खिता माफाबो।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 6:16

मिओनगीचेन खोपरोङ भन्‍दा छ्येकी मिन लाला ना केल्‍ग्‍यो। मिओनगी साबाते जे बादोङ ना क्‍याल्‍नामेईचेन पक्‍काराङ दुका सिन छ्या स्‍येक्‍यो।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।