हिब्रू 2:10 - जिरेल10 ओताते जति जोकान्ते परमेश्वरराङ ईन। जोबाते जति गाङे थेतेराङ ईन। मि काल्बेई थे खोरोङ फुज्युङ फुमु ओङला थे खोरोङताङ देता ङेत्स्यीत सिन थेकीराङ होथेबाला पापदुकी डेल्कान्ते येशूला थे खोरोङगी तेरा चालाते मान बिन्सुङ। मि पापकी लाईदु येशूकी दुक्पा भोगे खाईन स्याप्की खित्सादु थेकी थेला थोक खाला मान तेरा डिक्च्याराङ ओतान। Faic an caibideil |
हिब्रू 2:10
46 Iomraidhean Croise
थेमे थेकी थेला गाङेला राज्य खित्कान्ते गेल्बो जोबा ओत। मिओनला पापदुकी डेल्कान्तेङ थेराङ ईन सिन छ्येज्यीक मान बिन्गीन थेला थे खोरोङ सामे छ्य्वापा ज्याक्पा ओत। ङुरूङ इस्राएलीओन दाक्पोन पापी दुका सिन छ्या स्येला परमेश्वर छ्य्वापा लै खित्स्यीत थेमे ङुरूङगी खाबाते पाप माफ ओङस्यीत सिनराङ परमेश्वरगी येशूला थोक थोक खाबाते ईन।
ईन्सीनोङ ङुरूङ लाईदुनी परमेश्वर खालि दोक्पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्वर मि ईन्देकी ङुरूङ थेकी साबाते ङेन्ला थेला छ्ये जोइओ। थोकराङ खाला येशू ख्रीष्टकामा ङुरूङ मालिक ईन। दि सा नाम थेमे ओताते जति गाङे परमेश्वरगी थे छ्य्वापेकीराङ जोबाते ईन। थेमे ङुरूङला जुनी तेरकान्तेङ येशू ख्रीष्टराङ ईन।
प्रभु ख्रीष्टकी ङुरूङ सेम खुदुक जोकीन बिन्नामेकी ङुरूङगी सुङताङ छ्याःङ बात बोङा माफाबो। ङुरूङला ताला मिओनगी ख्रीष्टताङ चुक छ्येज्यीक शक्ति ओता ईन्दाका सिन छ्या स्येक्यो। थेकी ङुरूङला थे खोरोङ च्योकराङ लेमु जोइन गाल्नामेई ङुरूङ झन झन प्रभु ख्रीष्ट च्योकराङ लेमु डुइन डुइओ। ङुरूङला दोक खित्कान्ते प्रभु ख्रीष्ट ईन। थेत्ताङ परमेश्वर आत्मा दोक्पोईराङ ईन।
थरिङोला टिक्पी दिन दोक्ते दुक्पा भोगे खिता फाप्सीनोङ दोक खाईन सिन्नामेईनी परमेश्वरगी ङेराङला सधैँभरि लाईदु मान बिन्ला थे खोरोङगी ज्वा चाला च्योकराङ लेमुका जोइओ। होथे बात सम्झे खित्जीन ङ्योकोनलानी थरिङोला टिक्पी दिन ङेराङगी भोगे खिन ओताते होदोक्ते पीरताङ दुक्पा छ्याःङ मेन सिराच्योक लाङगीदुक।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
परमेश्वरगी बिन्दाते नियम अनुसार छाने खित्च्येते गाङे भन्दा छ्येते पूजारीचेन परमेश्वरगी खि साबा च्योकराङ खिता मुथुप्कान दाक पाप खिता थुप्कान्ते मि ओङगो। तर थे नियम बिन्नामेई तिरीचेन परमेश्वरगी ना क्याल्गीन थे खोरोङ फुज्युङला गाङे भन्दा छ्येते पूजारी छाने खाबा ओत। थेकीचेन परमेश्वरगी खि साबाते जति गाङे सधैँभरि लाईदु पूरो खाबा ओत।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Sanasan