हिब्रू 13:4 - जिरेल4 ख्योकोन दाक्पोन ख्यावा फेम्मेताङकामा देत। सुङगीङ ज्येन मि ख्यावा फेम्मेताङ ङ्याल्ला रन्डीबाजी माकेत। फाङमा खाबातेबा ईन्स्यीत, माक्याबातेबा ईन्स्यीत रन्डीबाजी थेमे होदि च्योक्ते खिता मेङच्येते काम खित्कान्तेबाला जोराङ ईन्सीनोङ परमेश्वरगी न्याय खाला सजाय तेरग्यो। Faic an caibideil |
हिब्रू 13:4
33 Iomraidhean Croise
थोगी ङा ख्योकोनला च्यि सिते सासीन रन्डीबाजी थेमे होदि च्योक्ते खिता मेङच्येते काम सिराते ख्योकोनगी खितराङ माकेत। रन्डीबाजी थेमे होदि च्योक्ते खिता मेङच्येते काम खित्कान्ते मिकीचेन दाक्पोनलाराङ मेलेबा ओङ ज्युत्क्यो। ज्येनतोक पाप जे खासीनोङ पापनी पापराङ ईन। ईन्सीनोङ ज्येनतोक पापकी दाक्पोन जीउला मेलेबा ओङ मुज्युदो।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
थेमे मि जाला लोभ खिओ। दोस्यिककामा मेन, थे छ्याङ रक्सीकी जिला ख्याम्ग्यो, ज्येनताङ रूला भक्कुचूर सोला थुला मोज मज्जा खिओ थेमे होदोक्ते ज्येन ज्येन कामोङ खिओ। होदोक दोक खिन देत्कान्ते मि सुङ तिरी परमेश्वर राज्यने स्यूक्पा मेङेदो सिन ङे ख्योकोनला गोमाकाङ लेमु खाईन साबा ओत, लोक्ला थरिङोङ थोकराङ सिओ।
थेमे ख्योकोन सुङगीङ येशूला विश्वास खित्कान्ते ज्येन मि फेम्मेताङ खिता मेङच्येते काम खाला थे ख्योबोला सोम्बोलाराङ सबी चावादु लुच्येते काम माकेत। होथोक्ते मेलेबाते काम जे खासीनोङ थोक खित्कान्तेबाला प्रभु येशूकी सजाय तेरग्यो। थोगी ख्योकोन च्याङबो खि सिन ङ्योकोनगी ख्योकोनला गोमाकाराङ लाःपा ओत।
थोक्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थेचेन जहिलेङ च्याङबो खाला देत्कानज्यीक, दाक्पोन सेम काबूला ज्य्वाबा थुप्कानज्यीक ओङा फाप्क्यो। थे बानी लेमु ओताज्यीक, डोम्बोओनताङ फार छुर ख्याम्कान मिओनला लेमु खित्कानज्यीक थेमे मिओनला परमेश्वर बात लेमु खाला लोपा थुप्कानज्यीक ओङा फाप्क्यो।
थेबेकी मिओनला चुक चुक्ते बात लोप्कीते सासीन फाङमा खिता मेङगो, दि सा मेङगो थे सा मेङगो सिन लोप्क्यो। थेबेकी सा मेङगो साबाते सापतेबा गाङे मिओनगी सारस्यीत सिन परमेश्वरगीराङ जोबाते ईन। थोगी येशू ख्रीष्टला विश्वास खाला सत्यते बात ङेन्कान्ते मिओनगी खोपरोङ सापकी लाईदु परमेश्वरला धन्यवाद बिन्नामेई जुन सापोङ सोसीन ओङगो।
थेबेकी थोक खिन माख्याम्स्यीत सिन ङा च्यि सिते सासीन थोरूमोङ उमेर ओताते ख्योबो स्याप्ते फेम्मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्युङ फुमु ओङला थेबेकी खाम्बा खाला सारस्यीत। थोक खासीन येशू ख्रीष्ट मिओनला विरोध खित्कान्ते मिओनगी बात खित्च्येते लाम छ्याःङ मेङेदो।
येशू ख्रीष्ट मिओनला ताकान्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थे फुज्युङ फुमुतेबाङ येशूला विश्वास खित्कान ओङा फाप्क्यो। थे फिजाओन बानी बिवारा थोङला सुङगीङ थेबाला मनपरी खिन ख्याम्कान्ते थेमे आबा आमेकी लाःपा कोताते मेङेन्कान्ते ईन सिन सिरा मुथुप्च्येतेन्दे ओङा फाप्क्यो।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
Sanasan