हिब्रू 13:3 - जिरेल

³ थेमे खेराङराङ थेरू स्‍यूबाते च्‍योक ठाने खाला जेलदु लुक्‍पाते मिओनलाङ लेमु खाला तो। ङ्योकोनलाङ मिकी ङीमाई दोकराङ खाला दुक्‍पा तेरा थुप्‍क्‍यो सिन टोक मेज्‍येता खाला ख्‍योकोनगी ज्‍येनगी दुक्‍पा बिन्‍दाते मिओनलाङ मद्धत बिन्‍ला लेमु खि।

हिब्रू 13:3 Iomraidhean Croise

मत्ती 25:36

ङा पेर्दुङबाराङ ओत्‍जीन ख्‍योकोनगी खोन्‍च्‍या बिन्‍दा ओतान। नाबा ओत्‍जीन ख्‍योकोनगी ङाला लेमु खाईन ताबा ओतान। थोकराङ खाईन ङा जेलला देता फापे बेलाला ख्‍योकोन ङाला ठेता खित वाबा ओतान,’ सिन सिओ।

मत्ती 25:43

ङा मि लुङबे मि च्‍योक ओत्‍जीन ख्‍योकोनगी ङाला डोम्‍बो सिन नोमुङ छ्याःङ खाबा मेतान। ङा पेर्दुङबाराङ ओत्‍जीन खोन सिन ख्‍योकोनगी ङाला छ्याःङ बिन्‍दा मेतान। ङा नाबा ओत्‍जीन थेमे जेलदु फापा ओत्‍जीन ख्‍योकोन ङाला तारोङ वाबा मेतान,’ सिन सिओ।

शक्ति काम 24:23

थेमे थेकी मिल्‍टेरी क्‍याप्‍टेनला “दिला फ्रोबा मुथुप्‍च्‍या खाला लेमु खाला स्‍योक, छ्याःङ दुक्‍पाङ मातेर। थेमे दिला गोच्‍येते केल ओङकान्‍ते र्‍वातेबाला रोके माकेत,” सिन कोत्‍सुङ।

शक्ति काम 27:3

थेरूई पानीजहाज चले खानामेई ङारो च्‍योक्‍ते ङ्योकोन सीदोन सिरसादु लेप्‍सुङ। थेमे थे क्‍याप्‍टेनगी थेरू पावल र्‍वातेबेकी थेला गोच्‍येतेबा तेरा ङेत्‍स्‍यीत सिन थेबाला ठेता खित ताङगीन लेमु खासुङ।

रोमी 12:15

लोक्‍ला खोपरोङला साबा च्‍योक ओङगीन सुइँदा गा खाबा थोङसीन ओहो खोल्‍ला थोई लेमु ओङका सिन ख्‍योकोनोङ गा खि। थोकराङ खाला सुइँदाला खइँदा दुक्‍पा पीर फाप्‍सीन थोक्‍ते मिओनला पीर माकेत सिन सम्‍झे खाला बिन।

१ कोरिन्‍थी 12:26

च्‍यिला सासीन दिबे नाङ दोक्‍पोईला खइँदा सुक थोत्‍सीन जीउ खाङराङ दुक्‍पा ओङगो। थेमे दोक्‍पोईला खइँदा लेमु ओङसीन जीउ खाङराङ लेमु ओङगो।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।

हिब्रू 11:37

कोईला दोईकी ग्‍याप्‍कीन सेता ओतान, कोईला आरेकी काकीन फेक ङि जोकीन सेता ओतान थेमे कोईला तरवारगी तुप्‍कीन सेता ओतान। थोक खाईन ज्‍येनगी थेबाला खेदा खाईन तेरासम्‍म दुक्‍पा बिन्‍दा ओतान। थोक खाबेकी दुक्‍पा ङेत्‍कीन थेबा रा लुगी कोक्‍तेन खोलाक खोन्‍गीन युगीन देता फापा ओतान।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।