हिब्रू 12:9 - जिरेल

⁹ थेमे ङुरूङगी दाक्‍पोन आबाबाला चुक खाबे सिनोङ ठेम्‍बा खि। थेबेकी ताला लुजीन ङुरूङगी थेबाला मान खाबा ओतान। थेबालानी थोक खाईन मान खाबा ओतान सासीन स्‍वर्गने ओताते आबा परमेश्‍वरगी ताला लुजीन ङुरूङगी थेला झन मान खिता फाप्‍क्‍यो। थेचेन ङुरूङला नोमुङ मिसिन्‍च्‍येते जुनी तेरकान्‍ते ईन।

हिब्रू 12:9 Iomraidhean Croise

लूका 18:2

थेकी च्‍यि सिका सासीन “पालोई सारज्‍यीक्‍तु न्‍यायाधीशज्‍यीक ओताक्‍वालो। थेचेन परमेश्‍वरगी छ्येन विचार खिओ सिन छ्याःङ ज्‍यीबा खिन मेतानलो। थेमे मि दुक्‍पा छ्याःङ मोखोबा खाला मनपरी खाला न्‍याय खिन ओतानलो।

लूका 18:4

थे फेम्‍मे मिकी थोक खासीनोङ काल्‍बेई दिनसाक थेकी नामज्‍योकराङ मासेत्‍तुक्‍लो। ईन्‍सीनोङ थे फेम्‍मे मि थे ओत्‍सादु डुइनराङ देत्‍कीन दिक्‍क वाक्‍क जोनामेई ङीमाई थेकी ङा परमेश्‍वरगी छ्येन विचार खिओ सिन ज्‍यीबा मिक्‍किओ। थेमे मिओनगी च्‍यि सारोङा सिनोङ ङाला छ्याःङ वास्‍ता मेत।

यूहन्‍ना 3:6

मिकी केबाते फिजेते सेमताङ स्‍या ठाक थेला केकान्‍तेते च्‍योकराङ ओङगो। परमेश्‍वर आत्‍मे छ्य्‌वापेई केबाते मिचेन थोक मेन्‍देकी खुदुकराङ ओङगो।

शक्ति काम 2:30

थेचेन दोक्‍पोई परमेश्‍वर बात खित्‍कान्‍ते मि ओतान। थेमे परमेश्‍वरगी तिरी थे सन्‍तान नाङ दोक्‍पोईला थे राज्‍यदु गेल्‍बो जोइओ सिन ना क्‍याल्‍गीन थेत्ताङ जमान खाबा ओतान।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

याकूब 4:10

दोक खाईन ख्‍योकोनगी प्रभु परमेश्‍वर दोन्‍दु ङा ङाराङ ईन सिराच्‍योक माक्‍यासीन थेकी ख्‍योकोनला मान बिन्‍ला लेमु खिओ।

याकूब 4:7

थोक ईन्‍देकी था ख्‍योकोनगी परमेश्‍वर अधीनला देत्‍ला थेकी खि साबा च्‍योकराङ खि। शैतानगी जे सासीनोङ थे बात ङेनराङ माङेन। दोक खानामेई ख्‍योकोनला दुक्‍पा तेरा ताङला शैतान दाक छ्योङगो।

१ पत्रुस 5:6

थोगी छ्ये छ्ये काम खित्‍कान्‍ते परमेश्‍वर दोन्‍दु ख्‍योकोनगी ङा ङाराङ ईन सिराच्‍योक माकेत। थोक माक्‍यानामेई खेराङला मान तेरच्‍ये बेला लेप्‍नामेई थेकी ख्‍योकोनला दाक मान तेरग्‍यो।

छ्या स्‍ये च्‍युताते बात 22:6

थेमे याङराङ थे दूतकी ङाला “थाल्‍लासाक खुई थोङातेताङ थोबाते दि गाङे बात साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला प्रभु परमेश्‍वरगी थे खोरोङ दूत ताङा ओतान। परमेश्‍वर बात खित्‍कान्‍ते मिओनला थोक खिताला थे खोरोङ आत्‍मा तेरकान्‍ते प्रभु परमेश्‍वरराङ ईन,” सिन सिदुक।