हिब्रू 12:3 - जिरेल

³ पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

हिब्रू 12:3 Iomraidhean Croise

मत्ती 11:19

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक। जे ईन्‍सीनोङ परमेश्‍वरगी खाबाते काम थोङकान्‍ते मिओनगीचेन दि काम थेकी आउदी बुद्धि पुरे खाईन खाबाते ईन सिन लेमु खाला छ्या स्‍येक्‍यो,” सिन सिदुक।

मत्ती 12:24

मिओनगी थोक सिरा थोकीन फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो बालजिबुलताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

मत्ती 15:2

“खुई चेलाओन च्‍यिला ज्‍युज्‍यु पुर्खे पालोमेई चले खिन वाबाते रीतिथिति माने मिक्‍किका? साप सा बेलाला लाक्‍पा ठुत्‍जीन थेबा च्‍यिला थे रीतिथितिला खि साबा च्‍योकराङ खाला लाक्‍पा मुठुता खाला साप सेइका?” सिन सिराला स्‍यूसुङ।

मत्ती 21:23

थेरूई येशू सारनापा लेप्‍कीन परमेश्‍वर मन्‍दिरदु गाल्‍गीन मिओनला लोपाला स्‍यूसुङ। थोक खाला लोप्‍जीन छ्ये छ्ये पूजारीताङ यहूदीओन छ्ये छ्ये मि दोन्‍दु वाकीन थेला “खो दुरू मन्‍दिरदु वाला मिओनला लोप्‍च्‍येते थेमे मिओनला दुरूई तेन्‍ला तोङच्‍येते खुईते च्‍यि अधिकार ओते? खोल्‍ला दोक खि सिन सुई कोत्‍सुङा?” सिन सिराला स्‍यूसुङ।

मत्ती 21:46

थेला जिन्‍दा चाल्‍सुङ। तर ज्‍येन गाङेकी थेला परमेश्‍वर बात खित्‍कान्‍तेराङ ईन सिन मान खितेकी थेबे ज्‍यीबेकीङ थेबेकी थोक खिता माथुप्‍सुङ।

मत्ती 22:15

थेमे येशूकी खाबाते बातला था चुक खाला खइँदा गल्‍ती तेन्‍दा थुबोङा सिन फरिसी पाटी मिओन ठो खिताला स्‍यूसुङ।

लूका 14:1

ङीमाई सन्‍चारी छोमु फरिसी पाटी छ्येते मिज्‍यीगी येशूला थे खोरोङ खाम्‍बादु साप साप्‍ला काताङा ओतेकी येशू थे खाँपा गाल्‍सुङ। था दिकी च्‍यि च्‍यि खित्‍च्‍या ईन्‍दाका सिन थेरू ओताते मिओन थेला तेइन देता ओतान।

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 16:14

फरिसी पाटी मिओन सम्‍पत्ति लोभ खिन ओतान। थोगी येशूकी चेलातेबाला साबाते सम्‍पत्ति बात थोकीन थेबेकी दिकी चुक मेङच्‍याई बात खासुङा सिन सिराला स्‍यूसुङ।

लूका 2:34

थेमे थेकी आबातेताङ आमातेलाङ आशी बिन्‍गीन च्‍याकीन थे फिजे आमा मरियमला “परमेश्‍वरगी खटे खाबाते दि फिजाला ङुरूङ इस्राएली नाङ कोईकी दिला परमेश्‍वरगी ताङाते ईनराङ मेन सिन विरोध खिओ। थोक खित्‍कान्‍तेबाला परमेश्‍वरगी सजाय तेरग्‍यो। कोईकीचेन दिला परमेश्‍वरगी ताङाते ईन सिन पत्ते खिओ। थोक खित्‍कानलाचेन परमेश्‍वरगी आशी बिन्‍ला लेमु खिओ।

लूका 5:21

थेकी थोक सिरजीन थेरू ओताते धर्मे गुरूओनताङ फरिसी पाटी मिओनगीचेन मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

यूहन्‍ना 10:20

थेबे नाङ काल्‍बा च्‍योक्‍तेकी “दिचेन ल्‍हन्‍डीक खोकीन ङ्योबाते ईन। ख्‍योकोन दि बात च्‍यिला ङेन्‍गीते?” सिन सासुङ।

यूहन्‍ना 18:22

थेकी थोक सिरजीन थे दोन्‍दु ओताते मन्‍दिरदु देत्‍कान्‍ते पुलिसज्‍यीगी “गाङे भन्‍दा छ्येते पूजारीताङ बात खाबे ढंग खुईते दिराङ ईन?” सिन थेला छ्येतनापाराङ ग्‍याप्‍सुङ।

यूहन्‍ना 5:16

थोक खाईन सन्‍चारी छोमु काम खाबेकी थे छोमुमेईराङ यहूदीओनते छ्ये छ्ये मिकी येशूला खेदापानी खिताला स्‍यूसुङ।

यूहन्‍ना 7:12

थेङला मिओन स्‍यापस्‍यापताङ स्‍युपस्‍युप खिन येशू बात आदोराङ खिन ओतान। थेबे नाङ लालेकी “थे लेमु मि ईन,” सिन ओतान। लाला लालेकीचेन “मेन मेन, थेनी मिओनला छक्‍के खित्‍कान्‍ते ईन,” सिन ओतान।

यूहन्‍ना 8:13

थेमे फरिसी पाटी मिओनगी थेला “खो खोरोङराङ ङा दोक दोक ईन सिन खोरोङ बात खाला खोरोङला छ्ये जोइदुक। थोगी खुई साबाते बात पक्‍काराङ ईन सिन चुक खाला सिरच्‍येरो,” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

यूहन्‍ना 8:59

थेकी दोक सिरजीन थेबेकी दिला सेताराङ फाप्‍क्‍यो सिन दो तुकीन थेला देक्‍पा चाल्‍सुङ। तर थे ईप्‍कीन परमेश्‍वर मन्‍दिरदुई थेन्‍गीन गाल्‍सुङ।

यूहन्‍ना 9:40

थोक सिरजीन थेरू ओताते फरिसी पाटी मि कोई कोईकी “चुक साबाप्‍लो? च्‍यि खुई ङ्योकोनलाङ अन्‍ध ईन सिन साबाप?” सिन सिदुक।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 12:5

च्‍यि ख्‍योकोनगी परमेश्‍वरगी खेराङला फुज्‍युङ सिन अर्ती खिन दोक सिन साबाते बाततेबा टोक ज्‍येत्‍सुङ? थेकी “फुज्‍यो, खुई लेमु खित्‍स्‍यीत सिन प्रभु परमेश्‍वरगी थाप्‍जीन ङारजीन नामज्‍योक मेसेता खाला मादेत, थेकी खोल्‍ला ताला लुजीन सेम मासेत।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।

छ्या स्‍ये च्‍युताते बात 2:3

ङे मि ईन्‍देकी खित्‍सादु पीरताङ दुक्‍पा आइ परे खित्‍जीनोङ सेम मेसेता खाईन ख्‍योकोनगी ङाला विश्‍वास खिनराङ देत्‍सुङ।