हिब्रू 12:2 - जिरेल

² दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 12:2 Iomraidhean Croise

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मर्कूस 14:36

थेकी “आबा, खुई खिता मुथुप्‍च्‍येते काम छ्याःङ मेत। थुप थुपला दि ओङा खाबाते दुक्‍पा ङे भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

मर्कूस 15:28

थेला डाँकाओनताङराङ टाँए खानामेई “थेलाचेन मिओनगी डाँकाओनला च्‍योकराङ खिओ,” सिन परमेश्‍वर बातला गोमाका टिबाते बात साबा च्‍योकराङ ओङसुङ।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

मर्कूस 9:12

थोक सिरजीन थेकी “ईन ईन, एलिया याङराङ दुरू ओङा फाप्‍च्‍येतेराङ ईन। थेमे दुरू वाला थेकी मिओनला परमेश्‍वर छ्य्‌वापा लै खि साला ख्रीष्‍ट ओङे लाईदु जेसुकै ठीक खिओ। थेमे परमेश्‍वर ओत्‍सादुई वाबाते मि ङाला चुक चुक ओङगीते सिन परमेश्‍वर बातला च्‍यि सिन टिबा ओते सासीन ङे आउदी खाला दुक्‍पा भोगे खिता फाप्‍क्‍यो थेमे मिओनगी ङाला विरोध खाला मेलेबा खिओ सिन साबा ओत।

मर्कूस 9:24

थेकी थोक सानामेई थे मिकी “गुरू, ङा परमेश्‍वरला विश्‍वास मिक्‍किच्‍येते मेन। ईन्‍सीनोङ परमेश्‍वरगी जस्‍तो कामोङ खिता थुप्‍क्‍यो सिरच्‍येते बात ङाला ईन्‍दा मेन्‍दा सिराच्‍योक लाङगीदुक। खुई ङाला छ्याःङ शंका मिक्‍किता खाला परमेश्‍वरला विश्‍वास खित्‍कान्‍ते मि जो,” सिन सिदुक।

लूका 17:5

थेमे येशू ख्रीष्‍टकी खटे खाबाते चेलाओनगी “प्रभु, ङ्योकोनला खुई शक्ति छ्य्‌वापेई जस्‍तो कामोङ ओङा थुप्‍क्‍यो सिन झन लेमु खाला परमेश्‍वरला विश्‍वास खित्‍कान्‍ते मि जो,” सिन सासुङ।

लूका 23:11

थेमे हेरोदताङ थे मिल्‍टेरीओनगीङ थेला खाला थेन्‍दा जति मनपरी साकीन सिन्‍नामेई गेल्‍बो सिन खिस्‍यी खिताला आउदी लेमुते लाक्‍तु खोन्‍च्‍येते खोलाक कोन्‍गीन याङराङ पिलातस ओत्‍सापाराङ ताङसुङ।

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 12:24

ङा ख्‍योकोनला दि बात सिओ। चुक सासीन ठे गेडा थाराङ ज्‍याक्‍सीन थे गेडाईते गेडाईकामा देत्‍क्‍यो। तर स्‍यीङला ताप्‍सीन थे सबी नाङ रूल्‍ला ठे झाङ केला ठे गेडा काल्‍बेई गोन्‍ग्‍यो।

यूहन्‍ना 12:32

थेमे ङाला स्‍यिङगी थामला टाँए खानामेई ङा मि गाङेला ङाराङ छ्य्‌वापा ओङ ज्‍युत्‍क्‍यो,” सिन सिदुक।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 8:56

ख्‍योकोन ज्‍युज्‍यु अब्राहाम ङा दुरू ओङच्‍येते बात छ्या स्‍येकीन आउदी गा खाबा ओतान। ङा दुरू वाबाते थोङगीन थे खुशी ओङा ओत,” सिन सिदुक।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

१ कोरिन्‍थी 1:18

बात चुक सासीन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिरजीन तिरी नरककुण्‍डमा स्‍यूक्‍कान्‍ते मिओनगीचेन दि लेम्‍बे बात ईन सिन पत्ते मिक्‍किओ। दोक ईन्‍सीनोङ परमेश्‍वरगी पापकी सजायदुकी टालाते मि ङुरूङगीचेन ख्रीष्‍टकी खाबाते थे काम ताला परमेश्‍वर शक्ति चुक छ्ये ईन्‍दे सिन छ्या स्‍येबा थुप्‍क्‍यो।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

एफिसी 2:16

दोक खाईन थेकी ङुरूङला जीउज्‍यीकराङ जोसुङ। थेमे थे खोरोङ स्‍यिङगी थामला टाँए खाईन स्‍याप्‍की खित्‍सादु थोक खाईन जीउज्‍यीकराङ जोबाते ङुरूङला थेकी परमेश्‍वरताङ डिक्‍पा खाईन बिन्‍सुङ। दोक खाईन थेकी ख्‍योकोनताङ ङ्योकोन फारदु थेमे परमेश्‍वरताङ ङुरूङ फारदु ओताते मिडिक्‍च्‍येते बात गाङे तोर च्‍युत्‍सुङ।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

फिलिप्‍पी 3:20

ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 1:13

थे खोरोङ दूतओन नाङ परमेश्‍वरगी सुङलाङ नोमुङ “ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,” सिन साबा मेत।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 10:14

थेकी थोक खाईन बाजिईकामा थे खोरोङ ज्‍यान बिन्‍गीन स्‍यिइन सेम खुदुक जोबाते मिओनला पूरो खाईन पापदुकी टाल्‍गीन सधैँभरि लाईदु परमेश्‍वर दोन्‍दु ड्वा ङेत्‍कान जोसुङ।

हिब्रू 10:33

खेराङला मेलेबा खित्‍कान्‍तेबेकी कहिले ख्‍योकोनला मि गाङे ङोन्‍दु ईन्‍दा मेन्‍दा साकीन इज्‍जत बेइज्‍जत खाईन दुबा ओतान। कहिलेचेन खेराङला च्‍योकराङ दुक्‍पा बिन्‍दाते मिओनला ख्‍योकोनगी दुक्‍पे बेलाला ताबा ओतान।

हिब्रू 11:36

थोकराङ खाईन कोईला मेन्‍दा मेन्‍दे दोष लै खाईन मि ङोन्‍दु इज्‍जत बेइज्‍जत खाबा ओतान, कोईला कोर्रा लै खाबा ओतान, कोईला नेल कोन्‍गीन जेलदु लुक्‍पा ओतान,

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

हिब्रू 13:13

थोगी ङुरूङगीङ येशू ओत्‍सादु फिला गाल्‍ला मिओनगी थेला खाबाते इज्‍जत बेइज्‍जत खपे खिता फाप्‍क्‍यो।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

याकूब 2:1

आज्‍यो न्‍वावे, ख्‍योकोनचेन छ्येज्‍यीक शक्ति ओताते प्रभु येशू ख्रीष्‍टला विश्‍वास खित्‍कान्‍ते मि ईन। थोगी ख्‍योकोनगी मि छ्येत ताला काका पाका खिता मेङगो।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:17

थेला थोङासात्तु ङा स्‍याप च्‍योकराङ गाल्‍गीन थे काम्‍बे खानापा रिल्‍दुक। थेमे थेकी ङे लाक थे खोरोङ सामे लाक्‍पा ज्‍य्‌वाकीन “ज्‍यीबा माकेत, ङा गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते ईन।

छ्या स्‍ये च्‍युताते बात 1:8

गाङे भन्‍दा छ्येज्‍यीक शक्ति ओताते प्रभु परमेश्‍वरगी “अल्‍फा थेमे ओमेगा शुरूलाराङ ओताते थेमे तिरीसाकराङ देत्‍कान्‍ते ङाराङ ईन,” सिन साबा ओत। थेचेन थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।