हिब्रू 12:16 - जिरेल

¹⁶ ख्‍योकोन सुङगीङ रन्‍डीबाजी थेमे होदि च्‍योक्‍ते खिता मेङच्‍येते काम माकेत। थेमे परमेश्‍वरला छ्याःङ वास्‍ता मिक्‍किकान्‍ते एसावकी च्‍योकराङ माकेत। थेकीचेन खामज्‍यीक सापला छ्येते फुज्‍युङ हक च्‍वाबा ओतान।

हिब्रू 12:16 Iomraidhean Croise

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

शक्ति काम 15:29

थे बातओन च्‍यि ईन्‍दे सासीन ख्‍योकोनगी ल्‍हाला पूजा खाबाते छ्याःङ मासा, ठागोङ मासा। ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। ङ्योकोनगी माकेत साबाते दि कामओन ख्‍योकोनगी माक्‍यासीन लेमु ओङगो। लो ख्‍योकोन गाङेला साबा च्‍योक ओङस्‍यीत,” सिन टिबा ओतान।

मर्कूस 7:21

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, रन्‍डीबाजी खित्‍च्‍येते, कुच्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

एफिसी 5:5

ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

२ कोरिन्‍थी 12:21

दि पालो ङा थेपा ओङजीन ख्‍योकोन थोरूमोङ होदोक दोकराङ खिन ओता थेप्‍सीन ङे माने खिन ओताते परमेश्‍वरगी ख्‍योकोनगी खित्‍सादु ङाला ङोचा लोङगीता सिन ज्‍यीबा लाबा ओत। दोस्‍यिककामा मेन, ख्‍योकोन नाङ गोमाबा रन्‍डीबाजी थेमे होदि च्‍योक्‍ते खिता मेङच्‍येते ज्‍येनोङ ङोचा लाङच्‍येते काम खित्‍कान्‍ते मिओनगी खोपरोङगी थोक खाबाते लेमु मेन्‍दाक्‍वा सिन थोक खिता ताङा मेत्‍सीन थोक्‍ते मिओन लाईदु ङे ङुइनकामा पीर खिता फाप्‍क्‍यो।

१ कोरिन्‍थी 10:8

थेबा लाला लालेकी खाबाच्‍योक ङुरूङगी रन्‍डीबाजी थेमे होदि च्‍योक्‍ते खिता मेङच्‍येते काम खिता मेङगो। थोक खाबेकी खित्‍सादु परमेश्‍वरगी सजाय बिन्‍देकी ङीमाईलाराङ थेबा मेरा हजार खालज्‍यीकताङ सुम स्‍या ओतान।

शक्ति काम 15:20

बरू ङुरूङगी थेबाला चुक खिइसे सासीन ल्‍हाला पूजा खाबाते छ्याःङ मासा। थोक्‍ते सोसीन ल्‍हा लु माने खाबा च्‍योकराङ ईन। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। थोकराङ खाला ठाक मेदेन्‍दा खाईन सेताते छ्याःङगीतेङ स्‍या मासा, ठागोङ मासा सिन चिट्ठीज्‍यीक टिला तोङगी।

एफिसी 5:3

रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम थेमे लोभ खित्‍च्‍येतेनी बातराङ थोङ, होदोक्‍ते कामगी बात समेदोङ ख्‍योकोनगी खिता मेङगो। परमेश्‍वर सन्‍तानगी होदोक्‍ते बात खिताराङ सोई मिक्‍किओ।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,