हिब्रू 12:1 - जिरेल

¹ परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 12:1 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 24:13

थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मर्कूस 10:50

थे खोरोङगी खोन्‍दाते गाङ क्‍युरगीन थे खोक लाकीन येशू ओत्‍सापा गाल्‍सुङ।

लूका 12:15

थेमे थेकी थेरू ओताते मि गाङेला “ख्‍योकोन च्‍याङबो खि। ख्‍योकोनगी लोभ सिराते छ्याःङलाङ माकेत। सम्‍पत्ति थुप्रो ओत्‍जीनमेईराङ मिकी लेमु खाला जुनीकाल्‍बा क्‍योङा थुप्‍च्‍येते मेन,” सिन सासुङ।

लूका 16:28

ङेते न्‍वा ङाटीक ओत। थेकी गाल्‍ला थेबाला ङे खाबाच्‍योक मेलेबा काम खिता ताङला लेमु काम खि सिन लाःप्‍स्‍यीत। थोक खासीन थेबेकी ङे च्‍योकराङ देमा स्‍यूला दि दुक्‍पा भोगे खिता माफाबो,’ सिन सादुक्‍लो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

यूहन्‍ना 3:32

थेकीचेन ईने थोङातेताङ थोबाते बात खिओ। थोक ईन्‍सीनोङ सुङगीङ थे बातला नामज्‍योकराङ मेसेदो।

यूहन्‍ना 4:39

थे फेम्‍मे मिकी “थेकी थरिङसाक ङे च्‍यि च्‍यि खाका सिन गाङे बात ङाला लाःप्‍सुङ,” सिन थे मोरोङला ओङाते बात साबेकी सामरी काल्‍बेईकी येशूला विश्‍वास खासुङ।

यूहन्‍ना 4:44

“परमेश्‍वर बात खित्‍कान्‍ते मिला थे खोरोङ युल्‍बाओनगी मान मिक्‍किओ,” सिन येशूकी पालोई साबा ओतान।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

गलाती 5:7

ख्‍योकोननी आउदी लेमु खालाका सत्‍यते बात ङेन्‍गीन ओतान। थोस्‍यिककामा खाला मेङगो सिन ख्‍योकोनला सुई ङ्ये च्‍युत्‍सुङा? थोक्‍ते मि बात ङेन्‍ला ख्‍योकोन च्‍यिला सत्‍यते बात ङेन्‍दा तोङा छोल्‍गीते?

एफिसी 4:25

थोगी ख्‍योकोनगी ढाँर खिता ताङला दोक्‍पोईकी ज्‍येनज्‍यीकताङ साँचोते बातकामा खि। च्‍यिला सासीन ङुरूङ गाङेराङ जीउज्‍यीगी लाक्‍पा, काम्‍बा, मिक च्‍योक्‍ते ईन।

फिलिप्‍पी 1:30

गा लाङच्‍येते बात ङेन्‍गीन देताला थेमे फैले खिताला थरिङोला ख्‍योकोनगीङ ङे च्‍योकराङ दुक्‍पा खिता फापा ओत। जति दुक्‍पा ओङजीनोङ ङे चुक खाईन गा लाङच्‍येते बात लोप्‍कीनराङ देता ओताने थे ख्‍योकोनगी थोङातेराङ ईन। ङा थोरूमोङ थोकराङ खिन ओताते बादोङ ख्‍योकोनगी माथोबाते मेन।

फिलिप्‍पी 2:16

थेमे नोमुङ मिसिन्‍च्‍येते जुनी ङेत्‍च्‍येते बात ङेन्‍दा ख्‍योकोनगी बान्‍दा मातोङ। ख्‍योकोनगी ङे खि साबा च्‍योकराङ खिन देत्‍सीन था ख्रीष्‍ट ग्‍युरला ओङे छोमु ङे ख्‍योकोन नाङ स्‍याप स्‍याप खाईन दुक्‍पा खाईन खाबाते काम थाराङ खेरो मागाल्‍सुङ, ङे थोक खाबाते चुक लेमु ओङसुङा सिन गा खिता ङेत्‍क्‍यो।

२ तिमोथी 2:4

खोपरोङ छ्येते मिकी साबा साबा ङेन्‍दा छोल्‍कान्‍ते मिल्‍टेरी सुङ लडाइँ खिन खिन ताङला खोपरोङ काम खिताला मोन्‍डोओ।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

याकूब 1:3

थोक्‍ते दुक्‍पा ओङजीनोङ सेम मेसेता खाला येशू ख्रीष्‍टला विश्‍वास खिन देत्‍नामेई ख्‍योकोन जस्‍तो दुक्‍पाङ खपे खिता थुप्‍कान डुइओ।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

१ पत्रुस 5:12

दि चिट्ठी ङे सिल्‍वानसला टिक च्‍युताते ईन। सिल्‍वानसचेन खिओ साबा च्‍योकराङ खित्‍कान्‍ते मि ईन। दि ङेते ङाराङ न्‍वा च्‍योकराङ ईन। जति दुक्‍पा ओङजीनोङ ख्‍योकोन सेम मेसेता खाला देत्‍स्‍यीत सिन आँट तेराला थेमे परमेश्‍वरगी पक्‍काराङ दया खिओ सिन ख्‍योकोनगी लेमु खाला छ्या स्‍येस्‍यीत सिन ङे थुम्‍मी खाईन दि चिट्ठी टिबाते ईन। परमेश्‍वरगी खेराङला दया खिनराङ देत्‍स्‍यीत सिन थेला माने खिन देता मातोङ।

२ पत्रुस 1:6

दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।