हिब्रू 11:4 - जिरेल

⁴ हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।

हिब्रू 11:4 Iomraidhean Croise

मत्ती 23:35

ख्‍योकोनगी थोक खितेकी परमेश्‍वरगी खि साबाच्‍योक खित्‍कान्‍ते मिओन नाङ सेताते मि गाङे हर हिसाब था परमेश्‍वरगी ख्‍योकोनताङ लिन्‍ग्‍यो। हाबिलदुकी लाला परमेश्‍वर मन्‍दिर नाङदु कोठाताङ थेरू थानगी किल्‍दुराङ सेताते बरकिये फुज्‍युङ जकरिये पालोसाक हर हिसाब परमेश्‍वरगी मालाबाला मोतोङो।

लूका 11:51

च्‍यि सासीन हाबिलदुकी लाला परमेश्‍वर मन्‍दिर नाङदु कोठाताङ थेरू थानगी किल्‍दुराङ सेताते जकरिये पालोसाक हर हिसाब परमेश्‍वरगी मालाबाला मोतोङो। दि हर हिसाबचेन परमेश्‍वरगी ख्‍योकोन सन्‍तानला मेन्‍देकी ख्‍योकोनताङराङ लिन्‍ग्‍यो।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

हिब्रू 11:2

ङुरूङ ज्‍युज्‍यु पुर्खेकीङ थेला होदोकराङ खाईन विश्‍वास खाबा ओतान। थेबेकी थे खोरोङला थोक खाईन विश्‍वास खाबा थोङगीन परमेश्‍वरगी थेबेकी थोक खाबाते लेमु ईन सिन साबा ओतान।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 9:22

परमेश्‍वरगी बिन्‍दाते नियम तासीन ठाक थोरनामेई काल्‍बा च्‍योक जे कुरोङ चोके खिन ओतान। थेमे खइँदा भोग माबिन्‍दालानी मिकी खाबाते पाप माफ ओङराङ मेङगो।

२ पत्रुस 2:8

होथोक्‍ते मिओन नाङराङ देता ओत्‍कीन थेबेकी खाबाते होथोक खिता मेङच्‍या आउदी मेलेबा मेलेबा बात थोजीन थेमे काम थोङजीन थेला ङीमे ठाङमा आउदी मेलेबा लाङगीन ओतान।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।