हिब्रू 11:3 - जिरेल

³ परमेश्‍वरला विश्‍वास खितेकी खित्‍सादु थेकी दुरू दोक ओङस्‍यीत, थेरू थोक ओङस्‍यीत सिन सानामेई साबा च्‍योकराङ खाईन दि सा नाम थेमे सा नाम खाङ ओताते जति गाङे उत्‍पन्‍न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्‍येते जति गोमा ओतराङ मेत्‍सीनोङ परमेश्‍वरगी दुरू दोक ओङस्‍यीत, थेरू थोक ओङस्‍यीत साकीन जोबा ओतान।

हिब्रू 11:3 Iomraidhean Croise

यूहन्‍ना 1:3

दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 17:24

थेचेन सा नाम थेमे दि पृथ्‍वीदु ओताते जति जेसुकै जोकान्‍ते परमेश्‍वर ईन। स्‍वर्गने थेमे पृथ्‍वीदु गाङेपा राज्‍य खित्‍कान्‍ते थेराङ ईन। थोगी थेनी मिओनगी जोबाते मन्‍दिर नाङला मेदेदो।

रोमी 4:17

दि बात परमेश्‍वर बातला दोक सिन टिबा ओत। च्‍यि सासीन अब्राहाम थे खोरोङ दोन्‍दु ओत्‍जीन परमेश्‍वरगी थेला “खोचेन जात जातकी मि ज्‍युज्‍यु ओङगो,” सिन साबा ओतान। परमेश्‍वरगी स्‍याप्‍ते मिओनला सोम्‍बो लोइओ थेमे थोङला ओतराङ मेतातेङ थेकी ओङस्‍यीत सानामेई दाक ओङगो। होदोक खिता थुप्‍कान्‍ते परमेश्‍वरला अब्राहामगी विश्‍वास खाबाते ईन।

१ कोरिन्‍थी 2:7

ङ्योकोन ख्‍योकोनला थेकी गोमा सुङलाङ छ्या स्‍ये च्‍युता मेताते परमेश्‍वर बुद्धि बातज्‍यीक सिरामीन। दि बात गोमा परमेश्‍वरगी मिओनताङ ब्‍वाकीन ज्‍याक्‍पा ओतान। च्‍यि सासीन दि साताङ नाम ज्‍वा भन्‍दा गोमामेकीराङ थेकी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन साबा ओतान।

१ तिमोथी 4:5

परमेश्‍वरगीराङ सा ओङगो साबा ओतेकी थेमे थे साप साकान्‍ते मिओनगी थेला धन्‍यवाद सिन प्रार्थना खाईन सोनामेई दि सा ओङगो थे सा मेङगो सिरच्‍येते छ्याःङ मेत।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 6:5

परमेश्‍वर बात सत्‍यते ईन सिन खोबा ओताते थेमे था ओङच्‍येते सत्‍य जुग चुक लेमु ओङगीते सिन छ्या ओताते मिओन

२ पत्रुस 3:5

परमेश्‍वरगी दुरू दोक ओङस्‍यीत, थोक ओङस्‍यीत सानामेई दि सा नाम गाङे ओङा ओतान थेमे साचेन छ्युदुकी टाल्‍गीन च्‍याकीन जोबा ओतान सिन छ्या ओत्‍कीन ओत्‍कीनोङ थेबेकी छ्या स्‍येबा मेता च्‍योकराङ खिओ।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।