हिब्रू 11:2 - जिरेल

² ङुरूङ ज्‍युज्‍यु पुर्खेकीङ थेला होदोकराङ खाईन विश्‍वास खाबा ओतान। थेबेकी थे खोरोङला थोक खाईन विश्‍वास खाबा थोङगीन परमेश्‍वरगी थेबेकी थोक खाबाते लेमु ईन सिन साबा ओतान।

हिब्रू 11:2 Iomraidhean Croise

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 11:39

परमेश्‍वरगी थे खोरोङला होथोक खाला विश्‍वास खित्‍कान गाङेकी थोक खाबाते लेमु ईन सिन साबा ओतान। ईन्‍दानी परमेश्‍वरगी जमान खाबा च्‍योकराङ खाबाते थेबेकी खोपरोङ सोम्‍बो ओत्‍केलाराङ थोङा माङेत्‍सुङ।

हिब्रू 11:4

हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।