हिब्रू 11:1 - जिरेल

¹ परमेश्‍वरला विश्‍वास खित्‍च्‍या सिरातेचेन थेकी तेरग्‍यो साबाते जति गाङे ङेत्‍क्‍यो सिन आश खाईन गुकीन देताते पक्‍काराङ ङेत्‍क्‍यो थेमे खइँदा दोकस्‍यिकराङ ओताक्‍वा सिन दाक्‍पोनगी नोमुङ थोङा मेत्‍सीनोङ परमेश्‍वरगी साबा ओता च्‍योकराङ ओत सिन पत्ते खित्‍च्‍येते ईन।

हिब्रू 11:1 Iomraidhean Croise

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

१ कोरिन्‍थी 13:13

ज्‍येनतोक गाङे ङीमा लेनज्‍यीक छ्याःङ काम लै मिक्‍किच्‍या गाल्‍सीनोङ परमेश्‍वरला विश्‍वास खित्‍च्‍येते, थेकी ङुरूङला तेरग्‍यो साबाते ङेत्‍क्‍यो सिन खित्‍च्‍येते आश थेमे ज्‍येनला ङिङज्‍ये खित्‍च्‍येते दि बात सुमचेन नोमुङ छ्याःङ काम लै मिक्‍किच्‍या मोन्‍डोओ। दि बात सुमगी नाङदुङ छ्येते बातचेन ज्‍येनला ङिङज्‍ये खित्‍च्‍येतेराङ ईन।

२ कोरिन्‍थी 11:17

ईन्‍दाका दोक्‍ते बात खि सिन प्रभु येशू ख्रीष्‍टकी ङाला कोताते मेन। छ्याःङ बुद्धि मेताते लेम्‍बाते मिकीकामा ङा दोक्‍ते ईन, थोक्‍ते ईन साला छ्ये खिओ।

२ कोरिन्‍थी 4:18

थोगी ङ्योकोनचेन थरिङोला ओङगीन ओताते होदोक्‍ते बातला मेन, था तिरी ओङच्‍येते होथोक्‍ते लेमुते बातकी विचारकामा खाला देत्‍क्‍यो। च्‍यिला सासीन थरिङोला ओङगीन ओताते मिकी थोङा थुप्‍च्‍येते होदोक्‍ते पीरताङ दुक्‍पा ङीमाई गाङे सिन्‍ला तोरला डुइओ। तर थोरूमसाक सुङगीङ थोङा मेताते तिरी परमेश्‍वरगी तेरच्‍येतेचेन नोमुङ सिन्‍ला तोरला मोन्‍डोओ।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 5:7

प्रभु येशूला ङुरूङगी थरिङोला मिगी थोङा मेत्‍सीनोङ था तिरी सधैँभरि थेत्ताङ देता ङेत्‍क्‍यो सिन ङुरूङ थेला विश्‍वास खिओ।

२ कोरिन्‍थी 9:4

ङात्ताङ थेपा म्‍यासिडोनिये मिओन ओङजीन ख्‍योकोनगी थे पैसा जम्‍मा खाईन ज्‍याक्‍पा मेत्‍सीन ङ्योकोनला चुक ङोचा लेबोङा। ख्‍योकोनतेनी झन ङोचेकी छ्येत तेन्‍च्‍ये लामोङ मेदेदो।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 10:39

तर ङुरूङचेन परमेश्‍वरला विश्‍वास खिता ताङला नरककुण्‍डमा स्‍यूक्‍कान्‍ते मि नाङ माफाबो। ङुरूङनी थेला विश्‍वास खिन देत्‍कीन थेकी पूरो खाईन पापदुकी टाल्‍गीन स्‍वर्गने देत ज्‍युत्‍च्‍येते मि नाङका फाप्‍क्‍यो।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 11:27

थे खोरोङला मिश्रे गेल्‍बो लाःक्‍तुकी जोए खिओ सिन परमेश्‍वरला विश्‍वास खाईन थे मिश्रे गेल्‍बोताङ छ्याःङ ज्‍यीबा मिक्‍किता खाईन मिश्रे लुङबादुई थेन्‍गीन ख्‍याम्‍सुङ। मि मिगी थोङा मुथुप्‍च्‍येते परमेश्‍वरला थेकी थे खोरोङ मिगी दोन्‍दुराङ थोङाच्‍योक खाईन थे लुङबादुई थेन्‍गीन ख्‍याम्‍सुङ।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।