हिब्रू 10:12 - जिरेल

¹² तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 10:12 Iomraidhean Croise

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 10:10

दोक खाईन स्‍यिइन येशू ख्रीष्‍टकी परमेश्‍वरगी खिता चालाच्‍योक खाबा ओत। था लोक्‍ला नोमुङ दोक खिता माफाप्‍च्‍या खाईन थेकी थे खोरोङ ज्‍यानराङ बिन्‍गीन स्‍यिइन ङुरूङ सेम खुदुक जोबा ओत।

हिब्रू 10:14

थेकी थोक खाईन बाजिईकामा थे खोरोङ ज्‍यान बिन्‍गीन स्‍यिइन सेम खुदुक जोबाते मिओनला पूरो खाईन पापदुकी टाल्‍गीन सधैँभरि लाईदु परमेश्‍वर दोन्‍दु ड्वा ङेत्‍कान जोसुङ।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।

हिब्रू 5:3

थोगीराङ ज्‍येनगी लाईदुकामा मेन्‍देकी थे खोरोङगी खाबाते पाप माफ नाङ सिराला थेकीङ परमेश्‍वरला भोग तेरा फाप्‍क्‍यो।

हिब्रू 7:27

गाङे भन्‍दा छ्येते पूजारीओन ज्‍येनगी ङीमे ठाङमा गोमा खोपरोङ पाप माफ नाङ सिराला थेमेकामा ज्‍येन मि पाप माफ नाङ सिराला भोग तेरा फापाच्‍योक खाला येशूकीचेन दोक खिता माफाबो। मि पाप माफ ओङाला भोग तेराच्‍योक खाईन थेचेन थे खोरोङ ज्‍यानराङ बिन्‍गीन स्‍यिसुङ। दोक खाईन मि पाप माफ ओङच्‍येते काम बाजिईला खाईन सिन्‍देकी था थेकी नोमुङ दोक खिता माफाबो।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।