हिब्रू 1:6 - जिरेल

⁶ थे खोरोङ छ्येते फुज्‍युङतेला दि सा लुङबामा तोङजीन याङराङ परमेश्‍वरगी “ङे दूत गाङेकी थेते जय जय खित्‍स्‍यीत,” सिन साला दुक।

हिब्रू 1:6 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

रोमी 8:29

च्‍यि सासीन थेकी थेबाला थे खोरोङ फुज्‍युङ च्‍योकराङ लेमु ज्‍वाप सिन गोमामेई छाने खाबा ओतान। थे खोरोङ फुज्‍युङचेन छ्येते फुज्‍युङ च्‍योकराङ ओङला थेते न्‍वातेबा काल्‍बेई ओङस्‍यीत सिन परमेश्‍वरगी होथेबाला थोक खाईन छाने खाबा ओतान।

कलस्‍सी 1:15

परमेश्‍वर दोकस्‍यिकराङ दुक सिन मि मिगी थोङा माथुप्‍सीनोङ परमेश्‍वर फुज्‍युङला ताला परमेश्‍वरताङ थेला छ्याःङ फरक मेताक्‍वा सिन लेमु खाला छ्या स्‍येक्‍यो। परमेश्‍वरगी ओताते जति गाङे ज्‍वा भन्‍दा गोमामेई परमेश्‍वर फुज्‍युङ ओत्‍कीन ओतान।

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

हिब्रू 1:5

परमेश्‍वरगी थेला च्‍योक खाईन थे खोरोङ दूतओन नाङ सुङलाङ नोमुङ “खो ङे फुज्‍युङ ईन, थरिङमेई ङा खुई आबा ईन,” सिन साबा मिन्‍दुक। थेमे “ङा थे आबा ईन, थेचेन ङे फुज्‍युङ ईन,” सिनोङ साबा मिन्‍दुक।

हिब्रू 10:5

थोक ईन्‍देकीराङ देमा वाकीन ख्रीष्‍टकी परमेश्‍वरताङ बात खिन “मिओनगी भोग बिन्‍दातेताङ चढे खाबाते परमेश्‍वर खोल्‍ला छ्याःङ मोगोओ। खुई ङाला मि जुनी लाकीन दुरू केर च्‍युताते ईन।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

१ यूहन्‍ना 4:9

थे छ्य्‌वापेकी ङुरूङगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे खोरोङते दोक्‍पोईकामा ओताते फुज्‍युङोङ देमा ताङा ओतान। होदि बात विचार खालाराङ थेकी ङुरूङला ङिङज्‍ये खाबाते ईन सिन दाक छ्या स्‍येकीदुक।