हिब्रू 1:2 - जिरेल

² थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 1:2 Iomraidhean Croise

मत्ती 13:39

थे ह्रीमा देप्‍कान्‍ते शत्रु साबाते शैतान ईन। थेमे ठा थोक्‍च्‍ये बेला साबातेचेन दि जुग सिन्‍च्‍येते समय साबाते ईन। खेतालाओन साबातेचेन परमेश्‍वर दूतओन ईन।

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 21:38

धनीते फुज्‍युङला खोपरोङ ओत्‍सापा ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक, थेलाङ सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:1

परमेश्‍वर फुज्‍युङ येशू ख्रीष्‍टते गा लाङच्‍येते बात चुक खाईन शुरू ओङसुङा सिरच्‍येते बात दुरू टिबा ओत।

मर्कूस 12:6

थोक ओङनामेकी था थेकी फुज्‍युङतेकामा तोङा थुप्‍च्‍या ओताक्‍वालो। थेते फुज्‍युङज्‍यीककामा ओतानलो। थेकी थेला आउदी ङिङज्‍ये खिन ओतानलो। थेमे थे मिकी च्‍यि खादुक्‍लो सासीन दिलानी थेबेकी मान खाला छ्याःङ मेलेबा मिक्‍कितासीन सिन थेलाराङ थे खोरोङ अंगूर बो लिन ताङदुक्‍लो।

मर्कूस 12:7

धनीते फुज्‍युङला खोपरोङ ओत्‍सादु ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक। थेला सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

यूहन्‍ना 1:10

थे छ्य्‌वापेकीराङ परमेश्‍वरगी दि सा लुङबा जोबा ओतान। दोक खाईन थे खोरोङ छ्य्‌वापेई जोबाते दि सा लुङबादुराङ ओङजीनोङ थे सु ईन्‍दे सिन दि सा लुङबे मिओनगी छ्या मास्‍येसुङ।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 1:3

दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 13:32

ङे परमेश्‍वर चुक छ्ये ईन्‍दे सिन छ्या स्‍ये च्‍युत्‍नामेई परमेश्‍वरगीङ थे खोरोङ फुज्‍युङला चुक छ्येज्‍यीक मान बिन्‍दा ओते सिन तेन्‍ला तेरग्‍यो। दि काम परमेश्‍वरगी था होत्ता खिओ।

यूहन्‍ना 15:15

थानामेकी ङा ख्‍योकोनला ङे काम खित्‍कान्‍ते मि सिन मिसिरो। च्‍यिला सासीन मालिकतेकी च्‍यि खिता चाल्‍ला दुका सिन थे काम खित्‍कान्‍ते मिकी छ्याःङ छ्या मेस्‍येओ। आबेकी ङाला छ्या स्‍ये च्‍युत्‍कीन बिन्‍दाते बात गाङे ङे ख्‍योकोनलाङ लाप्‍कीन बिन्‍दा ओत। थोगी थानी ङा ख्‍योकोनला ङे र्‍वाओनका ईन सिओ।

यूहन्‍ना 16:15

आबाताङ ओताते जति गाङे ङेतेङ ईन। थोगीराङ ङे ‘परमेश्‍वर आत्‍मेकी ङे लोप साबाते बातकामा ख्‍योकोनला लोप्‍क्‍यो,’ सिन साबाते ईन।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:25

बाजिई यूहन्‍ने चेलाओनताङ यहूदीज्‍यीक्‍ते ठु खाला चोके खित्‍च्‍येते बातला टेकाटेउरी स्‍योरसुङ।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 5:27

थेमे परमेश्‍वर फुज्‍युङराङ परमेश्‍वर ओत्‍सादुई वाबाते मि ईन्‍देकी मि गाङे न्‍याय खित्‍च्‍येते अधिकारोङ परमेश्‍वरगी थेलाराङ बिन्‍दा ओत।

यूहन्‍ना 9:29

मोशाताङचेन थाङबो परमेश्‍वरगी बात खाबा ओतान सिन ङ्योकोनला छ्या ओत। तर दि मिनी खापेकी वाबाते ईन्‍दे सिनोङ ङ्योकोनला छ्याःङ छ्या मेत,” सिन सिदुक।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 2:17

थेकीचेन ‘परमेश्‍वरगी च्‍यि सिका सासीन था दि जुग सिन्‍दे खाला ङा मि गाङेला ङाराङ आत्‍मा तेरग्‍यो। दोक ओङनामेई ख्‍योकोन फुज्‍युङ फुमुबेकी ङे सिर च्‍युताते बात खिओ। थेमे स्‍याराते मिओनला ङा मिलाम खित ज्‍युताच्‍योक खाला ङे खिता चालाते कामओन तेन्‍ला तेरग्‍यो। थोकराङ खाला गान्‍दाते मिओनताङ ङा मिलामला बात खिओ।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

१ कोरिन्‍थी 2:7

ङ्योकोन ख्‍योकोनला थेकी गोमा सुङलाङ छ्या स्‍ये च्‍युता मेताते परमेश्‍वर बुद्धि बातज्‍यीक सिरामीन। दि बात गोमा परमेश्‍वरगी मिओनताङ ब्‍वाकीन ज्‍याक्‍पा ओतान। च्‍यि सासीन दि साताङ नाम ज्‍वा भन्‍दा गोमामेकीराङ थेकी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन साबा ओतान।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

एफिसी 1:10

थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्‍ट छ्य्‌वापेकी खिओ सिन थे खोरोङगी खिता चालाते काम थेकी खासुङ। दि काम च्‍यि ईन्‍दे सासीन स्‍वर्गने ओताते ईन्‍स्‍यीत, पृथ्‍वीदु ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला येशू ख्रीष्‍ट छ्य्‌वापेकी डिक्‍पा खाला थे अधीनलाराङ ज्‍य्‌वाच्‍येते ईन।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

हिब्रू 1:5

परमेश्‍वरगी थेला च्‍योक खाईन थे खोरोङ दूतओन नाङ सुङलाङ नोमुङ “खो ङे फुज्‍युङ ईन, थरिङमेई ङा खुई आबा ईन,” सिन साबा मिन्‍दुक। थेमे “ङा थे आबा ईन, थेचेन ङे फुज्‍युङ ईन,” सिनोङ साबा मिन्‍दुक।

हिब्रू 1:8

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बातचेन परमेश्‍वर बातला “परमेश्‍वर, खो सधैँभरि राज्‍य खिनराङ देत्‍क्‍यो। खुई सुङलाङ थिचोमिचो मिक्‍किता खाला लेमु खाला राज्‍य खिओ।

हिब्रू 11:3

परमेश्‍वरला विश्‍वास खितेकी खित्‍सादु थेकी दुरू दोक ओङस्‍यीत, थेरू थोक ओङस्‍यीत सिन सानामेई साबा च्‍योकराङ खाईन दि सा नाम थेमे सा नाम खाङ ओताते जति गाङे उत्‍पन्‍न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्‍येते जति गोमा ओतराङ मेत्‍सीनोङ परमेश्‍वरगी दुरू दोक ओङस्‍यीत, थेरू थोक ओङस्‍यीत साकीन जोबा ओतान।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 5:8

परमेश्‍वर फुज्‍युङ ईन्‍सीनोङ थेकी भोगे खितासम्‍म दुक्‍पा भोगे खाईन परमेश्‍वरगी खि साबाते ङेन्‍सुङ।

हिब्रू 7:28

परमेश्‍वरगी बिन्‍दाते नियम अनुसार छाने खित्‍च्‍येते गाङे भन्‍दा छ्येते पूजारीचेन परमेश्‍वरगी खि साबा च्‍योकराङ खिता मुथुप्‍कान दाक पाप खिता थुप्‍कान्‍ते मि ओङगो। तर थे नियम बिन्‍नामेई तिरीचेन परमेश्‍वरगी ना क्‍याल्‍गीन थे खोरोङ फुज्‍युङला गाङे भन्‍दा छ्येते पूजारी छाने खाबा ओत। थेकीचेन परमेश्‍वरगी खि साबाते जति गाङे सधैँभरि लाईदु पूरो खाबा ओत।

हिब्रू 7:3

थेते आबा आमाताङ ज्‍युज्‍यु पुर्खा सु ओताने, थे नाम केकीन नाम स्‍या ओताने सिरच्‍येते बात सुङलाङ छ्या मेत। थेचेन परमेश्‍वर फुज्‍युङ च्‍योकराङ सधैँभरि पूजारी ओङगीन देता ओत।

हिब्रू 9:26

दुरू पूजारीकी खिता च्‍योकराङ खिता फाप्‍च्‍या ईन्‍दा ईन्‍सीन दि सा नाम जोबा छुरला बाजि थोई थोई ख्रीष्‍टकी थे खोरोङ ज्‍यान तेरा फाप्‍च्‍या ओतान। तर मिकी खाबाते गाङे पापदुकी थेबाला डेलाला थे दि जुग सिन्‍दे खाला दुरू वाकीन बाजिईकामा थे खोरोङ ज्‍यान बिन्‍गीन स्‍याप्‍ते ईन।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?