हिब्रू 1:1 - जिरेल

¹ परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

हिब्रू 1:1 Iomraidhean Croise

लूका 1:55

थेबाला लेमु खित्‍च्‍येते नोमुङ मोतोङो सिन थेकी ङुरूङ ज्‍युज्‍यु अब्राहाम थेमे थे सन्‍तानओनताङ जमान खाबा ओतान,” सिनकामा परमेश्‍वरते जय जय खासुङ।

लूका 1:72

दोक खिओ सिन थेकी ङुरूङ ज्‍युज्‍यु पुर्खाताङ खाबाते जमान टोक मेज्‍येता खाईन साबा च्‍योकराङ खिताला स्‍यूसुङ।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

यूहन्‍ना 7:22

मोशेकी ख्‍योकोनला जीउला खतकी चिनु जोच्‍येते नियम बिन्‍दा ओतान। ईन्‍दानी दि चलन ख्‍योकोन ज्‍युज्‍यु पुर्खे पालोमेईराङ चले खिन वाबाते ईन। खेराङ फुज्‍युङला दि चिनु जोच्‍येते दिन सन्‍चारी छोमु फाप्‍सीन ख्‍योकोन थे छोमुराङ थे चिनु जोइदुक।

यूहन्‍ना 9:29

मोशाताङचेन थाङबो परमेश्‍वरगी बात खाबा ओतान सिन ङ्योकोनला छ्या ओत। तर दि मिनी खापेकी वाबाते ईन्‍दे सिनोङ ङ्योकोनला छ्याःङ छ्या मेत,” सिन सिदुक।

शक्ति काम 13:32

थोगी था ङ्योकोन ख्‍योकोनला दि गा लाङच्‍येते बात सिओ। च्‍यि सासीन परमेश्‍वरगी येशूला स्‍यिसादुकी सोम्‍बो लोगीन ङुरूङ ज्‍युज्‍यु पुर्खाताङ खाबाते जमान ङुरूङ लाईदु पूरो खाबाते ईन। परमेश्‍वरगी येशूला स्‍यिसादुकी सोम्‍बो लोइओ सिरच्‍येते बात थेकी गोमाका ‘खो ङे फुज्‍युङ ईन। थरिङमेई ङा खुई आबा ईन,’ सिन दोस्रो भजनला टिक च्‍युता ओतान।

शक्ति काम 2:30

थेचेन दोक्‍पोई परमेश्‍वर बात खित्‍कान्‍ते मि ओतान। थेमे परमेश्‍वरगी तिरी थे सन्‍तान नाङ दोक्‍पोईला थे राज्‍यदु गेल्‍बो जोइओ सिन ना क्‍याल्‍गीन थेत्ताङ जमान खाबा ओतान।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

हिब्रू 11:18

परमेश्‍वरगी “इसहाक छ्य्‌वापेईराङ ङा खुई सखा सन्‍तान काल्‍बेई फेल ज्‍युत्‍क्‍यो,” सिन साबा ओताते इसहाकलाराङ अब्राहामगी भोग तेराला ठीक खाबा ओतान।

हिब्रू 11:2

ङुरूङ ज्‍युज्‍यु पुर्खेकीङ थेला होदोकराङ खाईन विश्‍वास खाबा ओतान। थेबेकी थे खोरोङला थोक खाईन विश्‍वास खाबा थोङगीन परमेश्‍वरगी थेबेकी थोक खाबाते लेमु ईन सिन साबा ओतान।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 2:2

परमेश्‍वरगी थे खोरोङ दूतओन छ्य्‌वापेकी ङुरूङ ज्‍युज्‍यु पुर्खेकी ङेन्‍दा फाप्‍च्‍येते नियम बिन्‍दा ओतान। थेमे थे नियम मेङेन्‍कानगी सजाय ङेत्‍क्‍यो सिन साबा ओतान। थे नियमला माकेत साबाते कामज्‍यीककामा खासीनोङ थेमे थेरू खि साबाते बातज्‍यीककामा माङेन्‍सीनोङ थोक खित्‍कान्‍ते मिओनगी परमेश्‍वरगी साबा च्‍योकराङ खाईन सजाय ङेता ओतान।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 3:5

ईन्‍दानी ईन। च्‍यि सासीन मोशेकी थे खोरोङ काम लेमु खाईन खाबा ओतान। ईन्‍सीनोङ थेचेन सुइँदे खाम्‍बादु काम खित्‍कान्‍ते मि च्‍योक ओतान। थे कामचेन परमेश्‍वरगी तिरी चुक चुक खिते सिन ज्‍येनला लाःप्‍च्‍येते ओतान।

हिब्रू 4:8

यहोशूकी इस्राएलीओनला कनान लुङबादु क्‍याल्‍नामेईराङ परमेश्‍वरगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो साबाते जमान पूरो ओङाते ईन्‍दा ईन्‍सीन परमेश्‍वरगी याङराङ “थरिङ दिन” सिन लोक्‍ला ज्‍येन समय तोके खित्‍च्‍या मेतान।

हिब्रू 5:5

थोगी ख्रीष्‍टकीङ ङा गाङे भन्‍दा छ्येते पूजारी ओङगो सिन थे खोरोङगीराङ थे मान माचाल्‍सुङ। थेलाङ परमेश्‍वरगीराङ छाने खाईन गाङे भन्‍दा छ्येते पूजारी जोबाते ईन सिन परमेश्‍वर बातला दोक सिन टिला दुक। चुक सासीन परमेश्‍वरगी “खो ङे फुज्‍युङ ईन, थरिङमेई ङा खुई आबा ईन,” सिन साला दुक।

हिब्रू 9:19

चुक सासीन परमेश्‍वरगी बिन्‍दाते नियमओन मोशेकी मि गाङेकी थोच्‍या खाईन पढे खाबा ओतान। थेमे रोबोताङ फौकी ठाकला छ्यु स्‍येकीन फाल मोर्मुते म्‍वाबा ओतान। थेमे थे फाल हिसप सिराते दोङबो हाँगाला ठील्‍गीन थे ठाकनामा नोगीन परमेश्‍वर नियम टिबाते किताबताङ मिओनला