गलाती 6:8 - जिरेल

⁸ होदोकराङ खाला दाक्‍पोन खुशीला ख्‍याम्‍गीनराङ देत्‍कान्‍ते मिचेन थोक खाबेकी खित्‍सादु ङ्येला स्‍यिला नरककुण्‍डमा डुइओ। परमेश्‍वर आत्‍मेकी खित ज्‍युता च्‍योकराङ खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

गलाती 6:8 Iomraidhean Croise

मत्ती 19:29

ङे बात ङेन्‍ला ङात्ताङ ख्‍याम्‍बे लाईदु खाम्‍बा कि आबा आमा कि आज्‍यो न्‍वा आज्‍यी नुमु कि फुज्‍युङ फुमु कि जग्‍गा जिमीन तोङकान्‍तेबाला परमेश्‍वरगी आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। थेमे थेबेकी नोमुङ मिसिन्‍च्‍येते जुनीङ ङेत्‍क्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

लूका 18:30

परमेश्‍वरगी दि जुनीलाङ आबा आमा, आज्‍यो न्‍वा, आज्‍यी नुमु, फुज्‍युङ फुमु च्‍योक्‍तेताङ ज्‍येनोङ झन काल्‍बेई तेरग्‍यो। था ओङच्‍येते सत्‍य जुग वानामेई थेबेकी नोमुङ मिसिन्‍च्‍येते जुनीङ ङेत्‍क्‍यो,” सिन सिदुक।

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 4:36

बाली थोक्‍कान रूक्‍कान्‍ते मिकी थाल्‍लेई थाल्‍ला थे बनी ङेत्‍च्‍या दुक। च्‍यि सासीन बाली थोक्‍पा रूक्‍पाच्‍योक खाला थे मिकी थाल्‍लेई थाल्‍ला ज्‍येनला नोमुङ मिसिन्‍च्‍येते जुनी ङेत्‍च्‍येते लाम तेन्‍ला तेरा थुप्‍च्‍या दुक। दोक खाला बाली लै खित्‍कान्‍तेङ बाली थोक्‍कान रूक्‍कान्‍तेङ ङिकाराङ गा खिता ङेत्‍क्‍यो।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

रोमी 6:13

च्‍यि सासीन गोमाबा ख्‍योकोनगी खेराङ लाक्‍पाताङ खेकी खित्‍सादु, मिगी तासादु, खेराङ सेमगी खित्‍सादु मेलेबाते कामताङ बात खिन ओतान। थोक खाला ख्‍योकोनगी परमेश्‍वरगी साबाते मेङेन्‍गीन ओतान। था थोक खिता थोङ। बरू खेराङ स्‍यिसादुकी सोम्‍बो लोगीन साम्‍बाते जुनी ङेताते मिओन ईन्‍देकी परमेश्‍वरगी खि साबाते ङेन्‍ग्‍यो सिन खेराङ जुनी थे लाःक्‍तुराङ सोम्‍पे खि। थोक खासीन खेराङ लाक्‍पाताङ खेकी खित्‍सादु, मिगी तासादु पाप खिता माफाबो। परमेश्‍वरगी खि साबा च्‍योकराङ लेमु काम खिता थुप्‍क्‍यो।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:13

च्‍यिला सासीन काम बात जे खित्‍जीनोङ दाक्‍पोन खुशीराङ खिन देत्‍सीनचेन ख्‍योकोन स्‍या फाप्‍क्‍यो। परमेश्‍वर आत्‍मे छ्य्‌वापेई दाक्‍पोन खुशी खिता ताङला होथोक्‍ते कामताङ बात खिता ताङसीनकामा ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 8:6

दाक्‍पोन खुशीला ख्‍याम्‍कान्‍ते मिचेन थोक खाबेकी खित्‍सादु सजाय ङेत्‍ला स्‍यिइओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो। थेमे सेमला ढुक्‍क लोङगो।

१ कोरिन्‍थी 15:42

स्‍याप्‍ते मिओन सोम्‍बो लोक्‍च्‍येते बादोङ दोकराङ ईन। चुक सासीन मि स्‍यिइन दिनामेकी थे रो रूल्‍ग्‍यो। तर था तिरीचेन नोमुङ मिस्‍यिच्‍येते, मुरूल्‍च्‍येते जीउ ङेत्‍ला सोम्‍बो लोइओ।

गलाती 6:7

जे खासीनोङ ओङगो, च्‍यि च्‍यि खाला दुका सिन परमेश्‍वरगी थोङराङ मोथोङो सिराच्‍योक खित्‍कान्‍ते मिचेन लेम्‍बा ईन। मिकी जे सोन देप्‍कीदुक तिरी बाली रूक्‍जीनोङ थेराङ रूइओ मेनरो?

१ तिमोथी 1:16

ङा थोक्‍ते मि ईन्‍सीनोङ पापीओनला थे खोरोङगी चुक खिते सिरच्‍येते बात गाङेकी छ्या स्‍येस्‍यीत सिन येशू ख्रीष्‍टकी ङा च्‍योक्‍ते मिलाङ स्‍येदाङ सिराते बान्‍दा मिक्‍किता खाईन दया खासुङ। ङे तिरी थे खोरोङला विश्‍वास खाला नोमुङ मिसिन्‍च्‍येते जुनी ङेत्‍कान्‍ते मिओनगीङ थेकी थेबा खोपरोङला ङाला खाबा च्‍योकराङ स्‍येदाङ खिता साटोला दया खिओ सिन छ्या स्‍येस्‍यीत सिन थेकी ङाला थोक खाबा ओतान।

तीतस 3:7

दोक खाईन थेकी ङुरूङला दया खाईन दोषी मेन सिन साबा ओतेकी ङुरूङगी आश खाईन गुकीन देताते थेकी तेरग्‍यो साबाते नोमुङ मिसिन्‍च्‍येते जुनी ङेत्‍च्‍या ओङा ओत।

याकूब 3:18

थोरूम च्‍यि सासीन परमेश्‍वरगी बिन्‍दाते बुद्धि ङेता ओताते मिओनगीचेन ज्‍येनला डिक्‍ला थुन्‍ला देत ज्‍युत्‍क्‍यो। दोक खाला थेबेकी काम बात जे खासीनोङ परमेश्‍वरला मन परे खित्‍च्‍येते खिओ।

२ पत्रुस 2:12

परमेश्‍वर बातताङ मिडिक्‍च्‍येते बात लोप्‍कान्‍ते मिओनगीचेन खोपरोङगी माखोबाते बात गाङे ठट्टाला पुरग्‍यो। थेबा सो साकान्‍ते पशु च्‍योकराङ ईन। सेता सेम लाङजीन पशुतेबा ग्‍याङ सेताच्‍योक खाला होथेबालाङ परमेश्‍वरगी सजाय बिन्‍ला नरककुण्‍डमा लुक्‍यो।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

छ्या स्‍ये च्‍युताते बात 22:11

मेलेबा काम खित्‍कान्‍ते मि मेलेबाराङ खिन देत्‍स्‍यीत। खिता मेङच्‍येते ङोचा लाङच्‍येते काम खित्‍कान्‍ते मिङ थोकराङ खिन देत्‍स्‍यीत। थोकराङ खाला परमेश्‍वरगी खि साबाच्‍योक खित्‍कान्‍ते मि थोकराङ खिन देत्‍स्‍यीत। थेमे सेम खुदुक गाल्‍गीन परमेश्‍वरला मन परे खित्‍च्‍येते काम खित्‍कान्‍ते मिङ खिन ओता च्‍योकराङ खिन देत्‍स्‍यीत,” सिन सिदुक।